زوجي والكسل

السلام عليكم ورحمة الله وبركاته .ترددت قبل اكتب الموضوع مدري هي تعتبر مشكلة والا، بس حبيت استشير اهل الخبره لعلي أجد ضآلتي ،متزوجة قبل خمس سنين زوجي اكبر مني ب10سنين فيه أختلآف في الأفكار لكن حاولت أوفق وأقرب الأفكار بينآ أنا أنسانة تحب إنجاز الأشغال اول بأول وأكره التآخير والتكاسل وهمامه درجة أولى آي مشكلة تصير لي مستحيل أنام قبل أحلها لكن للأسف زوجي النقيض تمامًا كسوول جدًا ،غير منجز ابدًا ،باااارد جدًا في كل أمور حيآته وعنده مشكلة اكبر اللي هو انه صاحب هوآية (القنص )يطلع كل شهر ثلاث اربع مرات وطبعًا يكون خارج الإرسال لمدة ثلاث ايام وممكن تزيد المدة ،والمشكلة الأعظم انه يشتغل في القطاع العسكري (طبيعة عمله 28ساعه يكون مستلم )يعني يكون خارج البيت ويوم ونص تقريباً اوف لكم تخيل الوضع طبعًا انا كنت ادرس جامعة وتخرجت قبل كم شهر والله الحمد ومآانسى وقفته معي في دراستي بدآية زواجنا وماحسيت بالوضع الا بعد ماجسلت بالبيت اول كنت لاهيه بدراستي اتفقت معه نأجل فكره الحمل لين السنه الأخيره من الجامعة وتم الأتفاق واكرمني ربي بأخر سنه بطفل وكانت صعبه جدًا السنه الأخيره كثييير بالنسبة لي كوني ادرس وفيه نونو معي ساعدني ماقصر وقدم لي (عآملة منزلية )تساعدني والحمدالله اكرمني ربي وتخرجت الحمدالله وفضيت لبيتي وزوجي وولدي ،لكن الموضوع اللي مأرقني هو موضوع هوآية زوجي جدًا افقده وولده بعد ونحتاج اشياء في غيابه وغير المبالغ اللي تطير على الأسلحة والرصاص والى آخره انا لست ضد هوايته انا مؤيده لكن بحدوود حاولت مره واثنين وثلاث دون جدوى ووكلت الأمر لله -بالنسبة للمشكلة الثانية كسله الغير محتمل وتحملي للمسؤلية اذكره بأقساط البنك ومواعيده المهمه ولابعد يسحب عليها لدرجة ان سيارته ممكن تنسحب منه عشان الأقساط لكن ولاهمه يقول الدنيا سعه وماخلقت الارض في يوم واحد 😓عنده فلوس مو ماعنده لكن كسسل ماشفت مثله بحياتي ،والله يااخواتي حاولت اساعده عشان يتخلص من ذا الكسل لكن ابد مكآنك سر المستقبل آخر اهتماماته مايفكر فيه ابد اهم شي يتفرج على المقنايص والطيور 😩😩بدون مبالغة مره طلعنا البحر وكل شوي قايم يطرد الطيور 👻👻سأمت منه مدري وش الدبره معه لا انكر ان فيه جانب زين لكن سلبياته بدأت تطغى على الإيجابيات وبدأت مشاعري تجاهه تبرد ،اذا طلع من البيت يسهر مع اصحابه لايمكن يرجع الا الفجر واذا زعلت من المستحيل يراضيني يقول اعرف الحريم اذا تعودت على كل مره اراضيك كل يوم بتنتفخين علي،ماهمني موضوع يراضيني والا انا انسانه استحمل كثيرر جدًا واسكت ومؤمنه تمامًا ان الحياة الزوجية لابد من التنازلات عشان تستمر طالبتكم حل انا نفذت كل قوااي للأسف وش الدبره مع هالكسلان ؟!