زوجي والمصروف

السلام عليكم
اخواتي مشاكلي مع زوجي كثير بس المشكله الي أشعر انها متعبتني أكثر ،، المصروف ماشاء الله هو راتبه حلو انا قريت مره بورقه ان راتبه 10 آلاف وهو مفهمني انه 8 آلاف ويعطيني 500 ريال فقط مصروف وماعليه مني لو احتاج اي شي زياده ومقاضي البيت 500 ريال بس
وقبل مايستلم الراتب يوريني ورقه هالكبر وكاتب بالريال وين يروح راتبه علشان لا أفكر إني أطلبه وثاني يوم يجيني يتشكى ما معي فلوس 😔
تدرون حاولت انه يزود المبلغ بطرق كثير وو سائل مرات أزعل عليه مافيه فايده ، مرات اطلب بدون لا أزعل اجننه اجلس اطلبه كل ما أشوف وجهه صرنا نتهاوش وطفشته صحيح بس مافيه فايده قلت اجيه بالعقل والإقناع وأتكلم معه ان الحين كل شي غالي وانا بإسمك الناس تبي تشوف انا وش ألبس ويقولون هذي زوجه فلان بعد مافيه فايده ، يسوي عندي اني مسكين مامعي شي ، حتى وانا حامل يرفض المستوصفات الخاصه نروح حكومي وأنا معي إجهاضات للحين الله مارزقني ، تعرفون وش سويت غسلت يدي منه غسل صرت اروح ابيع من ذهبي اي شي احتاجه امر السوق وأشتري لي أغراضي واروح اكشف على حملي وبكذا خلصت كل الذهب الي عندي
يابنات أنا ألحين وش أسوي !! أدري اني غلطت يوم أبيع ذهبي بس الشكوى لله كنت محتاجه وكانت علاقتنا متوتره بمشاكل ثانيه مع أهله ماقدر ازيدها بالمصرف
الحين يابنات الي عندها زوج مثل كذا شلون تتفاهم معاه !! وبنات ملاحظه مهمه لاتحسبون انه بخيل على نفسه يروح يسافر ويجي ويدفع على الأكل واعتقد بعد انه يحوش يعني هو رجل يخطط لكل شي