السلام عليكم بنات
طبعا مواضيعي كلها تدور حول ام زوجي وزوجي لاني انا الحين ماادري شقولكم
في ازمه مايعلم فيها الا الله سبحانه ....
طبعا للي ماقرت مواضيعي قبل بختصر بعض الكلام عشان تفهم وماتقعد الوحده تتفلسف على راسي
وهي ماتدري ...
طبعا ام زوجي من يوم تزوجت وهي كل مارحت معاها ولا جيت لاززززم تفشلني قدام الناس
وتنطل علي حكي لي كم سنه وانا ع هالحال ماتغيرت الا بالعكس زادت الحين وتبي زوجي يتزوج علي وتحااااااول فيه لها فتره انه يتزووووج
وسببت لي مشاكل معاه ... بذكر لكم بعض من الاشياء اللي تسويها فيني
قد جت عندنا مناسبه لاقاربهم وكان زوجي يقول لازم تروحين يوم قرب الزواج واتفاجئ
انها شارية لي فستان على ذوقها وعلى كيفها يوم سيرت عليها جابته وقالت ان هالفستان شريته لبنتي فلانه
وطلع ضيق عليها خذيه ... بنااااات بنتها سميييييينه مرررررره الفستان اللي جابته حتى نص جسم بنتها مايدخل فيها يعني هي مستقصده انها تجيبه لي بس ماتبي تقول اني شريته لك الفستان لونه يفشل ويسممممن مرررررره ... عاد ماادري هل زوجي معطيها من وراي وجابته او هي شاريته من عندها
اخر شي كلمت زوجي وتطاقينا وعيى يشتري لي فستان قامت امي الله يجزاها خير عطتني وشريت فستان يهبل ويوم جاء الزواج فاجاءتها اني مالبست فستانها عشان ماعاد تتدخل في لبسي مره ثانيه ...
ودايما تتدخل في لبسي وراك لابسه كذا وراك ماكثرتي مكياج اهي تبيني الط عيني ماتبي مكياج ناعم وعند خواتها تخيلوا تقول انتي شعرك مو ناعم لو انه ناعم كان ياسلام مع العلم ان شعري ماشاء الله مجعد مو خشن خشن :09:
وقد كتبت ف احد مواضيعي انها ماتبيني احمل ودايم كانت تقولي لاتحملين ولاتحملين اخر شي انكشفت على حقيقتها واحنا نسولف عادي جابت سالفه ثم دخلت على طول ف الموضوع اني ان ولدي كل ماجاني لين وجهه متغير واني ترا بزووووجه وبجيب مهره واني انا اصلا كنت ابيله موظفه انا انصدمت من كلامها ماعاد عرفت وش اقول قلت المشاكل ياخاله في كل بيت مو بس بيتنا ....
طبعا انا خففت زيارات لهم يوم شفتها تتكلم علي قدام الناس وتفشلني وتنطل حكي ماعاد رحت الا قليل
عاد عقب كلامها يوم تقول بزوجه احس اني كرهتهاا ماعاد ابي اشوف وجهها
من كم يوم جوها ناس ولانزلت مع انها قايله لي انه بيجوني ناس بس انا طنشتها وقلت لزوجي اني تعبانه
ماقدر اروح
المهم بعدها بكم يوم زوجي فتح الموضوع وتطاقينا يقول ليش مانزلتي تساعدين امي
ومن هالكلام وطقاق انا وياه قلت له امك تتكلم علي قدام الناس عشان كذا ماعاد اروح ولااجي معاها :09:
ومارضى قال اذا امي جووها ناس تنزلين غصبن عليك وتصبين وتساعدينها المهم انا مارضيت
بعدها بكم يوم ارسلت له ف الواتس وقلت امك على عيني وعلى راسي ومن هالكلام واذا جاها اذا ماكنت مرتبطه بنزل واساعدها.... قلت لها ماعلي الا من امك وبسسسسسسس ...
طبعا قلت له هالكلمه لان اخته حتى متسلطه علي يوم سافر زوجي وقعدت في بيتي صرت
اذا بغيت مشوار اركب مع سواقهم ومشاويري اللي طلعت مع سواقهم تنعد ع الاصابع
وجتء يوم كنت بالحوش احتري سواقهم يجي قامت اخته جتني وقال لي ..
اذا تبين تطلعين المره الثانيه قولي لي مع العلم ان زوجي يقول استئذني من ابوي بس واطلعي
قمت قلت لها ومن انتي عشان استئذن منك ؟؟؟ ترا زوجي قبل مايجيكم السواق
ماكان يقصرر ولاكنتي تنزلين من سيارته
قامت تنافخ علي وتقل ادبها هذاااا اخوووووي الاخت مابدالها اختي انتي بدالك عشر
وتطاقيت انا وياها قمت قلت لها بروح لخالي اللي هو ابوها وبعلمه ورحت لخالي اصييييييح
وعلمته وجت وهي تنافخ تعلم ابوها وتطاقينا انا وياها وقامت من قلة ادبها تقلد صوتي بس انا ماسكت لها
قلت لها انتي اللي تسوينه من الغيرة والله وطقاق وخالي يهاووووووووش
يبينا نسكت اخر شي قالت انا ماراح اروح لمشاويري تعكر مزاجي
علما ان مشاويرهاااا كثيررررره وماتقعد في البيت انا ماعلي منها اللي قاهرني ان زوجي يوديها ويجيبها قبل ماتشوف السواق .... وقبلها ماغير ف الشارع ماتقععععد في البيت مختمه مطااعم الرياض كلها انا ماعلي منها بس اللي قاهرني ان زوجي يوديها
لاي مكان هي تبيه وبعض الاحيان تبي مكان بعيد وينضغط زوجي مررره ويحط الحره فيني
لان ابوه يصير جابره انه يوديها فمايقدر يقول لا فيحط الحره فيني انا خصوصا اذا كان المكان بعيد ...
وقلت لها ترا زوجي قبل مايقصر معاك يوم سافر مشوارين على بعضها منتي قادرة تتحملينها ؟؟؟
اخر شي انا رحت للسوق وهي انثبرت بالبيت طبعا ابو زوجي مايبي مشاكل خصوصا ان بنته هي اللي تطاولت علي وقلت ادبها ,,,
هذا غير مره شافتني اخته في السوق هي ومعاها خالتها ولاسلموا علي سووا حركه بايخه فيني مرت خالتها من عندي وانا كنت اناظر شنطه كنت بشتريها ومرت من عندي طايرررره وتناظرني ولاسلمت
الحين زوجي متغير علي بسبب مشاكل اهله وتحريضه امه علي ضاقت بي الدنيا ماادري وش اسوي
زووجي قام يتلفض علي بألفاظ يقول انتي قشرا وانتي ماتسكتين عن حقك يعني يشوف اهله ملائكه وانا الشيطان بينهم .. ويقول انتي تستاهلين من يتفل في وجهك ...
حسسسسبي الله ونعم الوكيل حسسسسبي الله ونعم الوكيل
ماادري وش اسووووي دلوني وعطوني حل تكفون :09:
لاني انا ابي اخفف زيارات لهله يعني اقل شي ف الشهر مره وهو رافض الفكره يبيني دايم اروح لهم مع اني لازم اجي من اهله وانا متضايقه من حركاتهم ومضايقتهم ساعدوني
معليش طوووولت شوي بس اابي تتضح لكم الصورة :heart:
بدوني وش حياتك @bdony_osh_hyatk
عضوة فعالة
يلزم عليك تسجيل الدخول أولًا لكتابة تعليق.
ام تميم الحلو
•
الله يفرج همك
الله يفرج كربك
علمي اهلك
ما دام هو خالك قولي لامك تحكي مع اخوها وتوقفهم عند حدهم
عندك اطفال
علمي اهلك
ما دام هو خالك قولي لامك تحكي مع اخوها وتوقفهم عند حدهم
عندك اطفال
امسكي نفسك لاتجادلين كثير لأنك بتتعبين هذول نوع ماينفع معهم نقاش .. خليك بعيده عنهم واسمعي كلام زوجك فيهم لاأكثر يعني ساعدي أمه ولك الأجر ولاتطولين في مجالس الحريم ولاتسولفين كثير عن مواقفك معهم لأن الشيطان بيزيد الكره بينكم خليها علی ربك وادعي لهم بالهدايه وتری عادي يودي أخواته اللي يبون مو مشكله ماصار ملكك بعد الزواج اذا ماقصر فيهم فهم أخواته ماله غناة صحيح غلطت عليك وقلت أدبها لكن تظل أخته ولها احترامها باختصار ابتعدي وارسمي حدود والكلام بينكم يكون باحترام صدقيني راح تعيشين حياتك بسعة بال ..والله يصبرك
لا يمكنك مشاهدة هذا التعليق لانتهاكه شروط الاستخدام.
ياحبيبتي مشاويرها مو مهمه اسواق وصديقات ومطاعم
انا بنتي كانت طفشانه ومشتاقه لابوها وتصيح تبيه كان مسافر12يوم فقلت اطلعها شوي للسوق والعبها في الالعاب فهمتي ولا اعيد ؟؟؟
انا بنتي كانت طفشانه ومشتاقه لابوها وتصيح تبيه كان مسافر12يوم فقلت اطلعها شوي للسوق والعبها في الالعاب فهمتي ولا اعيد ؟؟؟
الله يفرج كربك علمي اهلك ما دام هو خالك قولي لامك تحكي مع اخوها وتوقفهم عند حدهم عندك اطفالالله يفرج كربك علمي اهلك ما دام هو خالك قولي لامك تحكي مع اخوها وتوقفهم عند حدهم عندك اطفال
هههههههههههه لا موخالي اخو امي
احنا عندنا نسمي ابو الزوج خالي
احنا عندنا نسمي ابو الزوج خالي
الصفحة الأخيرة