زوجي وبنت اخوه اللي طاير عقله فيها

ياطويلات العمر زوجي متعلق ببنت اخوه
يعني مايمدح الا هي ولا يشوف احد احلى منها
وهي عاديه جدا بس خاشه مزاجه بقوووه
وانا علاقتي بالبنت كويسه الحمدلله
المهم
البنت انخطبت والرجال اللي خطبها ماعليه كلام
بس زوجي منهبل ومستخف
يقول كيف ياخذها فلان تستاهل احسن
طبعا هالكلام يقوله لي انا بس
وخطيبها محاضر بالجامعة ومقتدر
بس يقول الرجال اسمر وبنت اخوي قشطه
وهي والله لا قشطه ولا شي
لونها حنطي فاتح زي كل ×××××
قلت له هذا نصيبها
قال الرجال طاير فيها مو مصدق نفسه
بياض وطول وملح ياكثرها عليه الخ
الزبدة
اني سمرا وقصيره بس مملوحة
وتركيزه على البياض رفع ضغطي
يعني البنت وجاها نصيبها
تجي تبربر على راسي بهالكلمتين ليش!!
ما ادري قلة ذوق والا بيحسسني اني طايحه من عينه
وانا انخبصت وسكت
بعدين تحسفت اني مارديت عليه
جد استفزني
حسيت كانها كان بيخطبها وراحت عليه
معليش بنات
بس مالي غيركم افضفض له