زوجي وتصرفاته الغريبه !! حاولت اتعود عليه ماقدرت

سلام يَ قمممرات

اخباركم ان شاء الله الكل مرتاح يارب


انا مشكلتي يابنات زوجي زوجي زوجي طفشني نكد علي حياتي وانا مستحمله
اول شيء :: اذا اتفقنا انا وهو نطلع نتمشى او نتسوق اتفاجأ انه ماخذ اخوه اللي اصغر منه بالسياره او امه او خواته المتزوجات
او اذا فيه احد من محارمه جاي زياره عند اهله تحت
انا هنا انصدم احس اني انقهر وانا ساكته
انا زوجته ولي حق اخذ راحتي معه يعني في مشاوير خاصه بين الزوجين خصوصا السوق ماحب احد يشوش علي
خاصتن اني ماروح الا من فتره الى فتره
وانا طبعي من النوع اذا كان ناوي يودي اهله امه او احد من خواته او اخوانه ماروح ابد ماحب اضيق على احد وتعرفون روحات السوق عشان كذا اقول بنفسي انا يوم ثاني اروح بكيفهم
واتفاجأ اني اذا رحت انا معه للسوق السياره محمله قدامي :o وش هالحاله
وتدرون العيب من فيه بزوجي يروح يسبقني يمهم ويقول يالله امشو معنا
وهم عاد بما ان طبع زوجي كذا فيه شيء اسمه احترام قولو لا :06: رحنا الاسبوع اللي فات ومن هالكلام
احترموني كزوجه باخذ راحتي معه حتى هو اذا اخذ احد منهم معنا تتكدر الروحه واعاف السوق وارجع مقهوره تدرون ليش ..؟؟
كل شوي يقول بسرعه خلصي ابطينا عليهم طيب ليه تاخذهم من البدايه ..؟؟!!
ولا شوفيهم قعدو ع الكراسي اكيد طفشو اقوله طيب انا ماخصلت اغراضي يقول بعدين واذا زعلت وقعدت اهاوش عليه
قال يالله خلصي روحي كملي وقعد يقطط كلام على راسي
الروحه ماهيب لي من الأول وانا اللي طالبتك كرهت السوق كرهت المطاعم كرهت الطلعاات والتمشيات بسببه وسبب اهله ..
خواتي وامي مايسوون بحريم اخواني كذا وربي مو عشانهم اهلي لا وربي يحترمونهم
ويقدروونهم حرمه مع زوجها طالعين السوق وليه نلزق فيهم حتى لو قالو لنا يمكن مجامله مو كل مره متعلقينهم
واذا فيه حاجه ماتسوى الروحه كلها اوصي مرت اخوي وتجيبها مو كل مره راكبه معهم
وش اسوي مليت ياحريم !!
مابي اخسر زوجي .. بس انا زوجه ولي حقوقي صحيح كلامي ولا لا
ولا احد يجي يقولي اهله ومدري كيف !!
انا موضحه كل شيء هو يوديهم وماروح معهم لو ايش حاجتي بالسوق اذا شيء ضروري اوصيه هو ..غيره ماروح
لاني احترمهم وماحب اضيق عليهم احيانا الوقت مايكفي وهذي تبي المول الفلاني وانا المول الفلاني عشان اريحه هو واريحهم هم بعد ..
بس مشكله الطيبه بهالزمن !!





::



المشكله الثانيه
راتب زوجي 4500 ريال تقريبا
مايمر 10 ايام الا هو مخلص
تصدقوون !!


كل شيء غالي الحين
يسدد كهرب الشقه
والتليفون الثابت
وفواتير جوالتنا
ويتقضى للمطبخ
وحليب وحفاظات البيبي الله يعزكم

ومن فتره وحنا كذا الراتب يخلص بدري وباقي على نهاية الشهر وقت

في البدايه صرت اساعده معي 4 الاف وصرت اعطيه 500 كل ماخلصت عطيته لانه زوجي ولو معه شيء ماقصر على بيته

اكتشفت بالاخير ان الـ 500 تخلص بيومين او ثلاثه رغم اني مااطلب منه الا خبز واشياء بسيطه
عشان تكفينا
طلع يصرف على بيتنا ويصرف على بيت اهله تحت انا بصراحه تضايقت بقووووه
عارفين ليش ..؟؟

امه تاخذ 2000 ريال تقاعد ابوه الله يرحمو
وتاخذ 800 ريال من الضمان

واخو ياخذ 800 من الضمان
وياخذ مكافأه من الضمان

وتجيه مساعده كل فتره 10.000 ريال

ولا يدفعون ببيتهم ولا ريال
فاتحين حسابات خاصه ويجمعون فيها

لهم حوالي 40 الف بالبنك

وليه مايحسون على دمهم ويقولون هذا متزوج وفلوسه يالله مكفيه زوجته وبيته وولده

ملييييييييييت من هالعيشه يوم عرفت صرت ماعطيه الى متى بعطيه

هو ليه كذا !! المشكله مو ولدهم الوحيد فيه كثار غيره متزوجين

بس هم يمونون على هذا اكثر واحد بس امحق ميانه

حتى مره انزنقنا بقوه مامعنا الا 40 ريال تخيلو :p

وتسلف منهم

وعاد انا اضحك بيني وبين نفسي يتسلف منهم ويصرف عليهم

والله ناس ماتستحي بقوووه وش الحل مع هالعالم

انا زوجه ومن حقي كامراه البس واكشخ وازين بيتي
والله يابنات اني من فتره ضاغطه على نفسي

اشوف خواتي يلبسون ويكشخون وانا حالتي حاله

كله من اهله محاشرينا بهالراتب اللي مايكفينا وزوجي الله يهديه طايح بالسلف له فتره انا مابي الديون تكثر على راسه

وهو الله يهديه اذا طلبت منه شيء مثلا جهاز للمطبخ : خلاط او اي آله
يشتري لي ويشتري لامه وامه الله معطيها خير ومو بحاجتنا لو بتشتري محلات الاواني كلها
وحرمه كبيره يقارنها فيني عليه تصرفات تقهر :06:



حلولي مشاكلي لاني تعبت نفسيا

قاعده اكتم على نفسي

تعبت تعبت كثثثثثثثثثثثثثثثثير


الله يجزاكم خير شورو علي