زوجي وتقصيره لي وكل هذا ويقولي احمدي ربك غيرك مو حاصل ؟؟!!

السلام عليكم
صار لي من تزوجت اكثر من 13 سنه بداية حياتنا الماديه صعبه جدا تحملت سنييين وفوق هذا عطيته ذهبي وانا عروس يبيعه وفلوسي الا مجمعتهم وانا بنت ومهري وبعد هالسنين هذي بعد مادرس وساعدته وترقى وتحسن وضعنا كثييير للان لما ابي شي يقولي بعدين عشان عنده بنيان وعشان عنده مؤسسه وعشان مشاريعه تكمل .. وانا !!!!! صفر على الشمال هذا نهاية صبري ؟! لما اتكلم اقوله ماعندي حتى الاشياء الا تملكه البنت انا ماعندي وانا صار لي سنين متزوجه .. يقولي احمدي ربك بنيت لك بيت غيرك ماعنده !!انا وش استفدت اذا انا في بيت والا ابيه لي مو متوفر ؟ يعني انا في كل الاحوال بعيش بين جدران حتى استشوار ماعندي ؟ ولا اكسسوارات مثل العالم ولا مكياج واشياء كثييير ناقصتني .. يقولي بيت ؟؟!! هو زوجي يحب المظاهر يحب صورته تكون فوووق ولا ناقصنه شي سوى بيت لكن البيت له ..الا حولي صحيح ناس عايشين في شقق لكن الزوجه عاطيها مصروفها وفوق بعد الا يشتري لها ذهب والا يحقق طلباتها ..وانا حتى مصروف وهو واجب عليه مايعطيني واذا عطاني اكون في البيت ماطلع لانه مو فاضي بعدين ياخذهم والله مايظل عندي شي يسحبهم ويقولي مو انا اعطيك ؟؟!! بالله عليك تعطيني وتاخذه ومصدق نفسك انك عطيت ؟؟ كلما ماتكلم يقولي سويت بيت ؟؟!بس هذا المهم ؟!وانا ماشوف شي لي خاااص انا امراه لي متطلباتي ماعندي مثل ما الاغلبيه عندهم لاسيما زوجي عنده بس يقولي يبي يخلص مشاريعه بالله سنييين وبعده يبي لين ماتكمل مشاااريعه ويصير عنده فاااائض من الفلوس بعدين لما يشوف نفسه مو عارف شنو يسوي فيهم بعدين يعطيني !!!يعني صرت على الفضله انا ؟مو انا من ضمن الواجبات ؟ والله اظل لفتره طووويله ماشوف العالم ماطلع لا تسوق ولا مشتريات اسمع فيه تخفيضات اتحسر ونفسي اروح يقولي ماتشوفين مشاغلي ؟! ولمتى ؟ يعايرني يقولي قربت على الاربعين طيب مو قضيت سنين معاك مو المفروض تخجل قربت على الاربعين على كلامه وانا لسه متحمله وصابره ولا عشت حياتي ولا شفت نفسي وانا توني عروس ؟! والله يجرحني بكلامه هذا اخرت الصبر تعيير بعمري ؟! الا حولي يشوفون البيت يحسدوني ولا يدرون وضعهم افضل مني وحياتهم ..الا يوديها زوجها تشيل ليزر والا يهديها كل بين فترات ذهب والا تشتري عبايات انا حتى عباه صار لي شهوووور اقوله ابي اشتري عباتي انعدمت ..يقولي ماتشوفين عندي مسؤوليات !!!!اقوله قريب بيصير عندنا عرس عندي اشياء كثيره ناقصتني يقولي مو لازم تروحين اصلا احمدي ربك عندك بيت شوفي بيتك وش يبي له تعديل ؟!!! وانا ؟؟الواحد بيعيش كم مره ؟ انتظر لين مايصير عنده فاااائض من الفلوس الا يمكن الله اخذ روحي وارتحت من هالحياه .. ابي اعزم مو قادره اعزم متفشله لان استشوار مافيه ملابسي نااقصه ..يقولي احمدي ربك على البيت ؟؟!! ماتسوى علي هالبيت الا اولشي تحملت عصبيته وقت البنيان كان حتى يمد يده علي وبعدين يقول البنيان متعبنه وتعبان من كثر مايدفع فلوس ..انا اقوله احمد ربك عندك تدفع فلوس وتسوي بيت ومشاريع غيرك مو حاصل ..تعبان ويقولي قلبه يعوره من كثر دفع الفلوس على البيت والمشاريع الا عنده والعمال الا يجيبهم ..طيب انت تدفع من عندك ماهو سلف عشان تتالم احمد الله عندك الا تدفعه .. الحين انا ماكلمه بعد ما امس مد يده علي بعد نقاش بيني وبينه حتى البيت الا فاضحنا فيه فصله على مزاجه ولا شي سواه مثل ماحبيت حتى مجلس نساء ماسوى كلشي سواه لنفسه هو مجلس له والبيت كلله مفتوح يعني مافيه خصوصيه لو احد بيزورني ويقولي سويت بيت لك ؟؟؟!!!