زوجي وسحباته

السلام عليكم

بنات انا مرة متضايقة من زوجي
زوجي مايحب البر ولا يطلع ولا مكان الا الدوام واخوياه بالمقهى وبس
ولا اذا بغى يمشيني ياخذني بالسيارة لحد مايلف راسي ويدور ويرجعني البيت وماعنده الا كذا

1-انا بعيدة عن اهلي
2- بالبيت 24 ساعه
3- ماعندي صديقات بالديرة هذي ولا جيران

والله العظيم انه يطلع ومايرجع من الدوام الا الساعه 7 المغرب او 8
وينام
وبعدها يصحى ويطلع لأخوياة ساعه ويرجع

المهم انا ان طلعني يفر فيني بالسيارة لحد راسي مايوجعني ويرجعني

وانا عند اهلي متعودة اجتماع كل اربعاء مع جماعتنا بالاستراحة
والخميس استراحتنا
وباقي الايام ناس داخلين وطالعين وروحة وجية تفتح النفس
مب كذا بس يلف فيني بالسيارة

المهم ان المرة الاولى اللي سحب علي ووعدني بالبحر والبحر قريب من عندنا
قبل شهر
ويوم جهزت كل شي قال يوم جاء بالليل ترى بكرا ماراح نروح ومشيتها ومازعلت وقال لان خالي بوديه البحر بنطلع مع خالي وخاله توة جاي من سفر وبيروح بعد 3 ايام - هذا قبل شهر
والله مازعلت مع اني مجهزة كل شي
المهم وراح
وامس اهي المرة الثانية اللي يوعدني
وجهزت كل شي وقال بعد يمكن يطلعون معنا اخواني وقلت طيب
وطلعت دجاجتين وتبلتهم وجهزت الرز وكل الاغراض والشاي والقهوة
الصبح اليوم يوم قام سويت قهوة وتقهوينا على اساس نطلع الظهر
والحين يقول لي اقولك وش رأيك نشوي بالبيت وبالليل نطلع نتمشى لان ماله نفس يطلع
وطلع متفق مع امه انهم يشوون بالبيت تحت وانا ماعندي خبر بس هو شايف اني مجهزة كل شي وحتى جيت وقلت له وش باقي اغراض عشان ماننسى
وش رأيك ناخذ كذا وكذا ويقولي طيب
وبالاخير تتصل اخته وتقول يلة جهزنا الفحم تحت بالحوش نزلوا الدجاج !!!!
بس لية يكلم اهله من وراي ويتفق معهم وانا ماادري
وكأنه يستهتر فيني
وانا بس بالبيت مكتومة واهو مو حاس
وانا لا وظيفة ولا شغل وقرايب ولا احد ولا جيران ولا شي !
وانا لي سنتين على هالحال
وش رأيكم
اضف شنطتي واروح لاهلي لاني متضايقة ولا اعرف وش اسوي