زوجي وسلبيته

السلام عليكم ورحمة الله وبركاته

اببد بالموضوع على طول البارحه خرب عندي الدسيل وان دايم احاول اصلحه المهم واشبك واجرب حاولت وشبكة فيش حست بلذعه كهرباء يعني تكهربت واصرخ فجاءة وانا مرعوبه وزوجي جالس قدامي يتفرج عالتلفزيون قال وبكل عصبيه انتي وش تسوين ماتفهمين تروحين تشبكين الفيش بالكهرباء وش هالاقفه قلت بدل مايطير في ويقول سلامات ياحبي:09: ويقرا على من الرعبه جالس يحطم في ويهاوش وين الرومانسية والحب:icon33:
رحت المطبخ ولحقني ولدي الله يحفظه وعمره 7 سنوات يقول ماما وش فيك يدك تعورك وزوجي:arb: المصون ولالا همه سلبي دايم ولما امرض مايسال ولا اوديك مستشفى يقول كلي بنادول وتخفين والا هذا مثل اول لما مرضت صار معي كذا مثلك رغم مايقصر على عمره
مثل ثاني لما ولدت ولدي جاء يزورني حتى باقة ورد مااهداني لان اهلي كان زاريني وودي اني اترزز عندهم
بس كانت فرحتي كبيرة لما جاء ابوي الله يحفظه وجاب لي باقة ورد واخواني بعد ياحليل الاهل عزوه والله
ولان ابوي قبل مااتزوج يسال عني خاصه لمرضت او بالاختبارات ويشتري لي انا واخواتي الهدايا بس كنت مميزه عن خواتي لاني اشبه امه
والصراح ان زوجي طيب ومتفاهمين لكن سلبيته من المواقف اللي تصير لي لاني ابحس انه يحبني يخاف على يموت لويصير لي شي هههه ماهقيت :42:

ومثل قصة اختي كانت عروس مالها شهرين وطالعين البر هي وزوجها تقول فجاءة سمعت صوت كلب وتقول وانا اوقف من الخوف بغيت اركض تقول زوجها قالها هي اجلس لاتفضحين بس تحكي لنا قصتها وهي تبكي ليش رجالنا بعضهم مشاعرهم سلبيه كذا
ومرة سمعت محاضره عن مصري كبير بالسن ضيع زوجته بعرفه وجلس يدوورها بالاخير لما لقاه تتوقعون وش كان ردة فعله


ها








فين كنتي ياحبيبتي:icon28:


ماشاء الله عليهم لو واحد منا ربعنا وش بسوي فيها 0000؟



صراح افرح لما اشوف عندنا بالحرم من اللي يجون عمره زوجين وكبار بالسن من الاجانب ماسكين ايدين بعض ويقطعون الشارع واقول بنفسي العيال وتزوجوا ما بقوا الاهم لبعض هم بالي ينفعون بعض
بنهاية موضوعي عن سلبيات الزوج اي وحدها عندها قصه لها او اضافه تتفضل مشكورة

والله يسخر لنا ازواجن اجمعين ويحنن قلوبهم علين