زوجي وسلفاتي

السلام عليكم ورحمة الله وبركاته
اليوم زوجي وصل اخوه وزوجته المستوصف عشان تطعم ولدها
ولما رجعها
شفته جايبها لوحدها مع طفلها
طبعا شفتهم من الشباك
المهم هذا عندها اول مولود
وزوجها مايعرف يسوق
ودقت على زوجي من جوالها الين صحتنا من النوم ووداهم
المهم انا اللي موترني انها تبغى زوجي يوديها اي محل تبغاه دون ان تحترمني او تحترم وجودي
وزوجي رجل عنيد انا من وقتها ماعد نمت. من القهر
قاعده افكر الى متى نستمر على هذا الحال
علما انه كانت وحده من سلفاتي تسوي
نفس الحركات الى ان وصل بها المطاف بان تخرب بيتي
وتخاصمت معها وقاطعتها
طبعا كلكم بتقولوا السبب من زوجك
صح هو السبب وهو اللي عمل لهم وجه
المهم دحين نرجع للجديده
عرفت اني متقاطعه مع سلفتي
وحكيتلها الحكايه فبدات هي الان تستلم المهمه
وان قبل فتره اتصلت عليها وقلت لها انا اتضايق لما اشوفك مع زوجي
لكن هي تمادت ومايهمها لاشعوري ولا مشاعري
واليوم اشااهدها وهي تنزل لوحدها من السياره
ولما كلمت زوجي وقعدت اخاصم
قلي دحين بترجعي المشاكل زي اول
المهم زوجي مايحترمني ولايهمه زعلي
رغم انه مايعطيني فلوس لاني عندي دوام وراتبي ضعيف اصرف على امي الارمله واصرف على نفسي واطفالي
وليس لدي اب واخوان وهو ومايزال
يعاند ويقهرني ويحرق اعصابي
لو يحبني بينقهر عليه من انسانه ماتعبرني وماتبغاني حتى زياره ماتزورني
الان اضطريت اشتكي لعم زوجي ليوقفه عند حده قلي انا بكلمه بعدين
والله العظيم لا ازكي نفسي
اني والله ماكد ركبت مع احد لوحدي
انا تعبت نفسيتي مع هذا الرجال
واذا سبت البيت وشلت بنتي ولدي يفرح ويتمادى واذا خليتهم عنده بيحصل سلفاتي خرابات البيوت مايقصروا يمسكوهم
اصبحت جدا محتاره
وهيه مرتاحه في بيتها مع زوجها وولدها
ومدلعها بالاحترام ويخاف منها لانها عندها اهل واخوان ويجيب لها الليموزين الين الباب
والمشكله زوجي صار يخبي عني ويوديها وانا ماادري