زوجي وطبعه الغريب كيف اخليه ينبسط بالطلعه لوحدنا

انا لي سنوات متزوجه وعندي عيال صغار اكبرهم برابع لاحظت على زوجي اذ طلعنا بر او حديقه مع اننا نادر نطلع لوحدنا انا وعيالي معه لما اكون مضبطه القهوه والحلويات والجلسه واكلنا على النار مادري الايكلم اخوانه تعال يافلان انت واهلك ويدق على امه وخواته شوي الا العوايل اللي جايه ماشاءالله ماعمري تهنيت معه لوحدنا بطلعه بريه والا شي لازم يكلم خلق الله معه احس مايرتاح الا بالناس مع ان اهله واخوانه وحريمهم العكس كل واحد ماشاءالله يطلع لوحده تخيلو مره صادفت ذكرى زواجي خروجي من الاربعين حجزت شاليه وقعدنا كم ساعه الا يدق على امه وخواته المتزوجات واخوانه شوي الا الشاليه مليان انا تعبت من كثر مااقوله وماودي اعكر مزاجه وجوي وجوه وش الحل مع اللي مثله وترى انا قبل مانطلع وحنا نجهز يقول كلمي اهلك اقوله ودنا نطلع لوحدنا من بدا الشتا ماطلعنا انا وعيالي معه