زوجي وطبيبة العيوون .. احتاج نصايحكم

مرحبا بنات كيفكم
هذي مشكلتي وطرحتها فلخاص على بعض الاخوات
وحابه اشوف اراء اكثر فاتمنى ماحد فيكم يبخل عليا برأي كنصيحة او دعاء 💐❤️
السالفه ومافيها
ان انا متزوجة واحب زوجي كثير واغار عليه الغيره العاديه
لين صار لي موقف معاه ونقص عليا عيشيتي
وهو ان مسوي عمليه لعينه
والي سوت له العمليه دكتوره
ومن سوه العمليه وهو يمدحها عندي بشكل اوفر
يعني يقول ان يدها خفيفه وحريصه على مرضاها ولطيفه جدا
ولاحظت ان هدكتوره مكثره له المواعيد بطريقه مبالغ فيها بحجت انها تطمن على وضع عينه بعد العمليه
ومع الايام لاحظت عليه ان يوم الي يجي فيه من المستشفى
ومن الموعد مايطيق يطل بوجهي ويقلب خلقته عليا ويدور الزله ويعمل مشاكل على اشياء تافها جدا
ومع الايام بدا يتمادى في مدحها وقام يمدح عطرها ولبسها
وانا نار الغيره تاكل في قلبي
ابي تعطوني حل وتقولون لي هل معي حق اغار
وللاسف مثل مانتو عارفين طبيبة العيون تكون قريبه من المريض جدا ولازم بتقرب من عيونه وبتلمسهم وهشي بحد ذاته مضايقني ومافي امكانيه ان يحول على دكتور لان موبكيفه ( الاخصائيات الموجودين في هلمستشفى حريم مافي رجال )
وهو اصلا عاجبته هدكتوره
وماقدر اروح معاه مواعيده لان عندي طفلتين صغار واهلي موعندي اتركهم عندهم واروح فمنطقه ثانيه
بس استفسرت من الي حولي عن هلمستشفى والكل يقول ان العاملات فيه يهتمون بمظهرهم جدا واغلب المستشفى كادر نسائي

اتحفووني بأرائكم ونصايحكم 💐