زوجي وكلامه لي 💔!

السلام عليكم
زوجي يحب جو المشاكل يغلط عليا كتير قد ما جربت اتفاهم معاه واطبق كل الحلول الرد السكوت الاهتمام البعد حتى اني تركت غرفتي عشان ارتاح ويرتاح مني مو عاجبو
من كم يوم حصلت مشكله معاه المهم تركته ما صرت اكلمه بعدها اتصلت عليه واتكلمت معاه عادي رغم الجروح اللي فيا منه والاهانات عشان امشي الحياة ولاني عارفه لو تركته اكتر من كده ماراح يسال فيا وكنت ابغا امهد عشان اتفاهم بهدوء معه مو معقولة العمر يمشي في الخلافات هذي!
المهم اتكلمت معاه ونا من جوه مضايقة والله اعلم بالي داخلي جاء بدون ما يعتذر بياخد حقه ونا مو قادره اتجاوب معاه قلتله خلينا نتفاهم اول بعدين خير انا مو قادره امثل عليك اني مبسوطة قام زعل وترك الغرفة وماعجبه كلامي ، انا ماعمري حرمته من شي والله العظيم حتى اوقات ونا تعبانه ما بقول لا ، صحي على طول اخد ولدي صغير ومريض مزكم ولا رضع ولا اخد دواءه لبيت اهله دايما يدخل ولدي في اللي بيني وبينه 💔
اتصلت عليه قلتله حرام عليك تدخل ولدي في اللي بيني وبينك تاخده وتوه صاحي ما اخد حتى العلاج ولا رضع قال عادي اخته لي اهلي من حقهم يشوفوه ، انا ما منعته ياخده بس مو كذا!! ونا بتكلم معاه قلتله ليش تسوي معايا زي كده ليش تبهدلني قال عادي انتي تبغي كذا! قلتله انا ما منعتك من شي انا مضايقة وبنفجر من اسلوبك معايا قال عادي اخد حقي من الشارع! تخيلو كلامه
لو انا اللي قلت باخد حقي الشرعي من الشارع ايش كان صار؟ هوا عادي كذا يرمي كلام سم وشايف انه ماغلط!
والله انا من زمان مفكره في الطلاق مو بس عشان كلامه اللي يقتل عشان يكرهني ويتعمد يجرح ويكسر قلبي