lome_1996 @lome_1996
عضوة جديدة
زوجي ونكده حتى بالعيد !!
بنات انا وزوجي متناقرين وصار لنا تقريباً خمس ايام مانكلم بعض المشكله هو الزعلان وانا عادي اسولف واسوي له واجباته كامله ولا جيته وقلت له وش فيك ولا شي لاني عارفه ليه زعلان والموضوع جداً تافه مايحتاج الزعل ذا كله على سالفه تافه مخليته على راحته لما شاف اني عادي اتعامل معاه وهو طبعاً مايعطيني وجه لانه زعلان 😅 بس مسلكه له شاف مافيه فايده صار يرد علي بأسلوب وقح !!! وانا ماتحمل انه يقلل من احترامي ابداً ودايم اقوله كذا لو زعلنا من بعض لا تقل ادبك علي عاد من بعدها صرت ماكلمه ولا شي ولنا خمس ايام على ذي الحاله 🙃 المهم اللي جالطني ي بنات انه مايتنازل واتفه الاسباب تخليه كذا يقعد بالايام منفس بكيفه خليه ينفس بس يصير مايرد علي بالواتس لما ابغى منه شي مايرد ولما اطلب منه طلب يصير بس يعاندني ويرفض حتى يتسحر معاي ومايبغاني اسوي له شي تخيلو ذا كله على موضوع وربي وربي تافه واختي متنومه وطلعت من المستشفى اقوله بروح اشوفها يقول بعدين وطلع رحت ارسلت له لا تنسى توديني قال مابغى اوديك بكره بالعيد مره وحده ! وبيت اهلي قريب مني وهو طالع طالع مايرجع الا وقت النومه يعني اللي يشوف تنفيسته وحركاته يقول اني مسويه شي مره مره كبير وهو شي جداً تافه ! وينتظرني انا اجيه والدنيا عيد والله العظيم اني بجي اراضيه واقوله الدنيا عيد الموضوع مايحتاج كذا حركاته تخليني اتراجع اتكلم معاه مايرد علي غير لما اعيد السؤال يرد بصوت واطي يعني معقوله مافكر خلاص عيد ! انا شايله بخاطري منه لي ثلاث ايام ماكلمه ولا يكلمني بس لما قرب العيد صرت عادي خلاص عيد !! كنت مخططه من زمان ليلة العيد اسوي له حمام مغربي ومساج ودلع وناويه اسويها الليله وجيت وحضنته قلت الدنيا عيد لا تنفس قول كل عام وانتي معاي والله بالاول اعطاني ابتسامه بس لما حضنته حتى حضن ماحضني طنشت وقلت له نزلني لاهلي رفض طبعاً انا بروح اجيب اغراض الصابون المغربي والاشياء كلها عند اهلي حاولت فيه رفض والله ي بنات يلبس ويتكشخ بيطلع ومتكشخ اخر كشخه اقوله على طريقك رافض مره هنا انفجرت قلت عشانك انا بروح لاهلي بس انا ازبط من هنا وانت تخرب من هنا متعبه نفسي مدري على وش مارد راح كمل كشخته وطلع بسألكم انا انسانه ماحب النكد ولا الزعل اللي يطول بس هالمره فعلاً خلاص بطنشه انا حارقه نفسي عشان العيد وهو عادي وراح يرجع من طلعته يلقاني مخلصه دوره يبدء يحاول يراضي فيني وانا ماحب كذا اعرف انه يرجع عشان شي وش الحل معاه اطنشه !؟
52
11K
يلزم عليك تسجيل الدخول أولًا لكتابة تعليق.
lome_1996
•
اقصد لما يجي يراضيني اسوي نفس حركاته عشان مايطمع ويحسسسني اني على مزاجه !! عارفه اننا ببداية زواج بس استهان فيني انه متى ماجا رضيت !
ياعمري اعوذ بالله اكره اللي يزعلون بالشكل هذا .. الله يهديه ويصلح بالكم والله مدري ايش اقولك لانو زوجي من هذا النوع اللي زعله شيييين ويكتم وما عاد يتكلم 😂م لقيت علاج للي عندي ولا كان افدتك والله
ياعمري اعوذ بالله اكره اللي يزعلون بالشكل هذا .. الله يهديه ويصلح بالكم والله مدري ايش اقولك لانو زوجي من هذا النوع اللي زعله شيييين ويكتم وما عاد يتكلم 😂م لقيت علاج للي عندي ولا كان افدتك واللهياعمري اعوذ بالله اكره اللي يزعلون بالشكل هذا .. الله يهديه ويصلح بالكم والله مدري ايش اقولك لانو...
وربي تحسي انك مسويه شي مره كبير 😂 وهو شي تافه ! حتى التطنيش مافاد اعوذبالله
اقصد لما يجي يراضيني اسوي نفس حركاته عشان مايطمع ويحسسسني اني على مزاجه !! عارفه اننا ببداية زواج بس استهان فيني انه متى ماجا رضيت !اقصد لما يجي يراضيني اسوي نفس حركاته عشان مايطمع ويحسسسني اني على مزاجه !! عارفه اننا ببداية زواج...
هاا فهمت لا طبعا تغلي شوي وقوليله م تحس انك كنت مطنشني دلعني وراضيني دامك تبغاني وبيراضيك م عليك
ياعمري اعوذ بالله اكره اللي يزعلون بالشكل هذا .. الله يهديه ويصلح بالكم والله مدري ايش اقولك لانو زوجي من هذا النوع اللي زعله شيييين ويكتم وما عاد يتكلم 😂م لقيت علاج للي عندي ولا كان افدتك واللهياعمري اعوذ بالله اكره اللي يزعلون بالشكل هذا .. الله يهديه ويصلح بالكم والله مدري ايش اقولك لانو...
ترا اطنش يقوم يطنش زياده وانا انسانه ابببعد وحده عن المشاكل بس عاد امر الله
الصفحة الأخيرة