زوجي وهاجس ال....؟

السلام عليكم




انا عندي مشكلة متعبتني حييل حيل




راح اعتبرو فضفضة لاني حاسة نفسي حتخنق منو 








انااخاف من زواج زوجي عليا أو خيانتو ليا عندي فوبيا
ودايم افكر أنوممكن يجي يوم وزوجي يتزوج عليا أحس قلبي بيخرج من مكانو
انا احب زوجي حب جنوني ومتعلقة فيه مرا اعشقووو. بجنون والله
اعرف هذا الشي غلط بس الحب مو بيدي وانا بطبعي أحب التملك
يعني ما أتخيل ولا لحظة أن زوجي يعاشر وحدة غيري 
بس بمجرد التفكير انجلط من الغبنه كيف لو منجد




أحس صار عندي مرض نفسي من كثر ما افكر
ووحدة قالتلي كل الحريم الي تزوجو عليهم رجالهم كانو ميتين عليهم أما الي مهملة زوجها مافكر يتزوج عليها




وهذا الشي الي خلاني منجد انجن لاني جد ميته فيه




انا ما ابين لزوجي نهائيا اني احبو بلعكس ما ابين غيرتي من ناحية زواجو
بس زوجي من النوع الي يمشي مع شياب أصحاب ابوه
ودايم يعرضون عليه بنات تعرفون تفكير الشياب اذا انعجبو برجال يزوجونو محارمهم حتى لو انو متزوج 3حريم 




وحلفت انو اذا فكر يتزوج ورقتي قبل ورقتها




انا من ناحية جمال جميلة وزوجي يشهدلي وهو ماتزوجني إلا بعد ما انعجب فيا مو بس جمال حتى طبع وتصرفات 
لانو يحنا عادتنا البنات عادي نكشف على أولاد عماننا ونقابلهم 
وهو اتزوجني عن حب وقناعة 




لكن صار في الفترة الأخيرة على أقل مشكلة يقولي أتزوج عليكي
حتى ساعات اذا ما طبخت يقولي بتزوج 
انا بحط له حد على الكلمة 
مع اني ادلعو حتى كلامي معاه دلع 
ومع ذلك عشعشت فمخو فكرة التعدد من اصحابو




نفسي ما اتعلق فزوجي ويصير عندي انسان عادي زي بعض الحريم
أبغى انززززع حبو من قلبي ما أبغى انجرح منو




لاني بجد بجد تعبت ممكن موضوعي تافه عند البعض
بس يعنيلي شي كبييييير ومسببلي أزمة 




وربي حتى أحلامي دايم احلم انو أتزوج عليا ولا خانني

والله العظيم اني ابكي لمن أتخيل زوجي مع وحدة غيري