ادري العنوان فيه استهبال والسبب اني مصرقعه على وجه ها لفجر الكل نايم وانا لحالي افكر بصحن حلا والسبب ميته جوع وفكرت في ام علي الله يذكرها بالخير وكيف زوجي منهبل عليها يحبها :30:
قهرتني :hahaha:
المهم مالكم بالطويله اعطوني طريقتها عشان اسويها واهبل به فيها :32:
راح اعطيكم سر عني وهو اني اذا نجحت في اي طبق تلاقوني كل يوم والثاني اسويه الين امللهم منه ويقولون كفايه تعذيب
ايش سوي طبعي:22: لأني من النوع اللي مو ذاك الزود في الطبخ
يالله استناكم يالسنافيات اللي ماحد ينافسكم في الطبخ :42:
بسمة لقاء @bsm_lkaaa
عضوة جديدة
هذا الموضوع مغلق.
الصفحة الأخيرة
المقادير والطريقه سوا
تجيبين سبع مربعات بيف بايستري وتقطعين كل وحده منها أربع أقسام وتحطينها بالفرن تتحمر من فوق ومن تحت وتطلعينها وتخلينها تبرد شوي
على بال تبرد تسوين الحليب
وهو عباره عن 8 ملاعق حليب بودره وفنجانين قهوة سكر وثلاث كاسات ماء وطبعا تذوقينها عشان تضبطين الحلا حسب رغبتك
تغلينها على النار
بعدين بصينيه زجاج صغيييرة تكسرين البيف بايستري وترشين عليها لوز شرائح وعين الجمل محمصين وتشربينها بالحليب حتى تغطينها
وبعدين تخلطين علبة قشطه مع علبه صغيره حليب نستله المركز وتصبينها على الوجه وترشين الوجه بفسدق مجروش
وتضعينها بالفرن من الأعلى حتى تتحمر
وبالعافيه على قلبك ياقمر
صدقيني جدااا لذيذه ...وسهللله
وترى الشرح هو الطويل ...لكن الطريقه ماراح تأخذ منك وقت أبدا
وطمنينا على النتيجه