زوجي يخوني اش تنصحوني أسوي ؟

السلام عليكم ورحمة الله وبركاته كيفكم يا أحلى بنات أنا بصراحه عندي مشكله ومحتاجه وقفتكم معايا ونصايحكم ليا أنا متزوجه من 5 سنين عندي بنتين وولد زوجي وبكل بساطه يخوني عن طريق التلفونات والنت وعلاقات مباشره مع البنات بس لما يسافر برا السعوديه قبل الزواج كان جدا متفتح مع البنات سفريات لسوريا وعلاقات مع بنات بالتلفون اش ما تتخيلوا واكتشفت الشي هذا بعد شهر من زواجنا شفت مذكرات في جواله بأسماء بنات بشعر وكلام حلو ودفتر مليان أرقام بنات صراحه كان صدمه بالنسبه ليا ووكلمته عنها وقالي هذه قبل الزواج ومالك فيه انت لك فيا بعد الزواج اذا سويت شي قولي اللي تبغي وسنه كامله ماشفت شي وبعدها قالي بيسافر دبي يومين مع صاحبه علشان يبغى يشتري سياره وراح بعد مازعلت منه وراضاني وبعد ما جاء اكتشفت انه راح لسوريا وكلمته وأنكر وتغاضيت عن الموضوع وكل ولاده أرجع أفتح جواله ألاقي مكالمات مع بنات بالساعات وأخذ الأرقام وأتصل عليهم وفعلا يطلعوا بنات ومره أخذت رقم واتصلت عليها وماترد عليا ردت أول مره قالت ألو وقفلت وبعدها ماعاد ردت أرسلتلها انه اذا ما ردت حطلع رقمها وأتصل على أهلها وأفضحها وراحت واشتكت عليا وانفصل جوالي ودري زوجي عن الهرجه وماكلمني راح اشتكاني لأخويا اني أفتش جواله ومن وقتها وهو يحط أرقام سريه بس أعرفها أول بأول وسافر بعدها اندونيسيا مرتين في كل مره يجي ألاقي رسايل من بنات تدل انه في شي بينهم أخر مره قبل رمضان وللحين يرسلولوا من غير الجوال اللي مخليه في السياره لعلاقاته وما يدري اني أدري عنه وأنا ماعدت أتحمل أكثر من كذا وقررت اني أكلمه لكني سويت شغله أبغى أخذ رايكم فيا أنا اللي سويته صح ولا غلط لكن ما سويته الا من القهر والنار اللي شابه فيا أبغى اعرف اشى يقول للبنات واش ممكن انه يصير بنهم وحتى لو كلمته ماراح أقله على اللي سويته هو مسجل في النت لوج رحت أنا سويت ايميل غير اللي هو يعرفه وسجلت في النت لوج وضفته عندي وصرت أرسله اني أبغى أتعرف عليه وهو رد عليا بالموافقه وسألته متى يكون موجود وقالي أنا مالي وقت محدد انتي متى تكوني موجوده وأنا أدخل أكلمك صراحه ما انصدمت كان شي متوقع بس ألحين خفت انه يكشفني ويعلم الله انه ماضفت ولا أحد عندي غيره ماني عارفه أكمل ولا لا تكفون يا بنات اش تنصحوني حياتي صارت ما تنطاق أنا عارفه اني طولت عليكم لكن معليش محتاجه نصايحكم ودعائكم ليا الله يوفقكم ويفرج عنكم .