زوجي يخوني الحقوني

مرحبا صديقاتي العزيزات والله مني عارفه كيف ابدأ ومن وين لي ثلاث ايام من يوم عرفت وانا متوتره واعصابي زفت وحالتي ما يعلم فيها غير الله بس ابكي ويوم يجي زوجي ما اكن صار شي حتى خايفه اقله اني عرفت طولت عليكم زوجي المصون طبعا حاطط قفل لجواله يوم الخميس اتصل بصديقه وكان مستعجل وبعدين اعطاني الجوال وقالي اشحنيه ودخل يتحمم طبعا لما اعطاني الجوال لسه مفتوح ما قفل وقتها عيوني لمعت على طول ما صدقت فرصه وكنت احلم بها علشان اشوف ايش مخبي ولما نعكشت بجواله دخلت على المسجات وانصدمت لقيت مسجات عشق وغرام واشتقتلك ووحشتنيني و وكلام كثير اما انا ما تطلع منه الكلمه الحلوه الا بالعافيه اخذت الرقم ودقيت عليه من رقم اختي ما يعرفه طبعا وطلعت بنت من خارج السعوديه هو مسجلها بجواله فاتحي انا شكيت انو اسمها فاتن قلت مين فاتن قالت اي مين معي قلت انا معا طبعا مو اسمي وتخيلو ردت من ربع رنه شكلها مستنيتو وسكرت بعدها وانا ابكي من القهر كانت الساعه 3 العصر الساعه 6 جاء واخذني عند اخته وما قال شي شكلها لسه ما قالتو شي الساعه 10 اتصل فاتح صوته ومكشر عن انيابه وقالي ايش الي سويتيه ليش تلعبي بجوالي قلت له حيلك حيلك اي جوال انت مقفل جوالك 24 ساعه وانا ما اعرف الرقم خير وش صار قال انتي مرسله وحده اتصلت على خطيبه صديقي طبعا هنا بدأت الكذبه ورطيني مع الرجال هو امني وكان يدق من جوالي ويرسل مسجات من عندي طبعا صديقه متزوج وعنده 7 اطفال هو يقول انو مختلف مع زوجته وهي زعلانه عند اهلها لها 3 شهور واهل خطيبتو ما يعرفون انو ما طلق وانتي فضحتيه قلت له حيلك انا مالي دخل ولا اتصلت بأحد مع العلم انو صديقه عاطل عن العمل وهو الي يقولي حالتو عدم كيف يخطب انا راح اموت من الكذب الي عند زوجي مع العلم انو لي 5 سنين متزوجه وعندي ولدين الكبير 4 سنين والصغير 2 كل يوم يطلع الصباح ما يرجع غير الفجرجنني ايش اسوي اخربها واقوله اني عرفت انصحوني:44::44::44::44::44::44: