زوجي يروح ويجي وانا ياغافل لك الله

امس كنا طالعين انا وزوجي نتمشى واحنا من زمان ما طلعنا
المهم واحنا قاعدين نتكلم عن الشاليهات واسعارها وايش احسن
ماادري ايش خلاني اساله انت عمرك رحت شاليهات بعد الزواج وانا واثقه انه مايروح هاذي الاماكن لكن كذا سالته مجرد صدفه والمهم
وحسيت انه متردد بالاجابه فحلفته وقلتله جاوبني بصراحه ومافيها شي ومن هالكلام المهم قال ايوه انا رحت بس مره واحده مع اصحابي وكنت معزوم المشكلة مو هنا المشكلة لما سالته وقلتله متى وماعمرك جبت لي طاري قال تذكرين يوم قلتلك طلعة بر وبنتعشى مشويات واحنا بنسويها وامكن اطول كان ذاك اليوم
ولما سالته وقلتله انت دايم تقول الواثق من نفسه مايخاف من شي
وين هالكلام
قال انا واثق من نفسي لكن ماحبيت اوجع راسي وتقولين ماتروح ولما ارجع تحقيق
بصراحه والله انصدمت وانقلبت تمشيتنا نكد:(
ويقول شفتي انتي كيف عصبتي عشان كذا مااحب اقولك
وحاولت ابين له اني معصبه عشان الكذب مو عشان الشاليهات مع ان كلها تقهر بس شي اهون من شي
يعني يروح ويسوي الي براسه والله يستر هي مره ولا اكثر
وانا ياغافل لك الله
يعني بصراحه انا لو اتوقع من الناس كلهم تسوي هالحركات الا هو لا
ليش الرجال عندهم هالحركات والدسدسه واحنا صفحة بيضاء من جد الرجال :arb: مالهم اماااااااان
وادعوا لي يابنات الله يهديه لي وواسوني في احد منكم صار من زوجها موقف ماتوقعته يطلع منه