*غريبة*
*غريبة*
إيوالله إيش يصير؟؟؟
اختي..انا ما ابي املي قلبك على زوجك...بس بنصحك نصيحة....

الرجال على التعوووويد...(ابنك على ماربيتيه ورجالك على ما عودتيه)

يعني المفروض منك في يوم انتي غرقانة بالشغل فيه مع الاولاد ..وشفتيه رامي شي بالارض..تطلين عليه من المطبخ وانتي تبينين له انك مشغولة بطريقتك....يا عمري عفيه هات الصينية معاك وانت جاي تغسل ايدي كلها صابون....

او في وقت ثاني تذكرين له ..حبيبي عفية ساعدني بهذا الامر ..ترى النبي عليه الصلاة والسلام كان يخسف نعله بنفسه..ورحيم باهله...


او في وقت انتي مشغولة مع العيال بالحمام وانتوا بكرامة...تنادينه حياتي والله تكسب اجر فيني اذا ساعدتني وطلعت لي المكنسة ياعمري


ومن هالاساليب في اوقات انتي مشغولة فيها وباسلوبج العفوي مو عن طريق الامر طبعا

انا الحمدلله ...الحمدلله زوجي صار يمسك المكنسة...وساعات يحمم العيال طبعا اذا كنت مشغولة....

ويساعدني بامور كثيرة الله يخليه لي ويطول لي بعمره....ويخلي لكم ازواجكم ويلين قلوبهم لكم امين وشكرا:39:
هدووءالليل
هدووءالليل
فعلا الرجل حسب ماتعود في صغره وكيف تربى
وحتى البنت اللي متربية على السناعة والنظافة غير اللي متربية على الأتكالية وغير اللي متربية على عدم النظافة
هذه قاعدة ولكل قاعدة شواذ
يعني تلاقيم ناس مو نظيفين ويطلع لهم عيال سنعين ونظيفين وهذا يكون من تأثير البيئة المحيطة بهم من أصدقاء وثقافة
وممكن تلاقين أم سنعة ومافي مثلها بس عيالها أتكاليين والسبب يكون الأم ماتقتنع فيهم ولا بشغلهم
وهكذا دواليك
mamazozo
mamazozo
زوجه الحنون
والله عجبتيني بالبدايه ما دام زوجك حنون ليش رحتي جبتي شغاله وخربتي الشغله
كان خليتيه حنون للابد
الله يهنيكم ويحفظه لج

تنحط ع الجرح يبرى
يا حبيبتي والله ما طالبه المستحيل اني ما اريد ان يغسل عني الصحون او يطبخ
اني اريد امور بسيطه جدا بس يشيل اموره الخاصه الي ما تستاهل اني اسويها
لمجرد انه متعود على الاتكال على زوجته المصون



بصيره
يمكن احنه المغتربين نختلف عن الي بالبلاد لاننا ما عدنه احد يساعد غير راسي وراسه
يعني يوم الي اتعب لازم هو يداريني ولما هو يتعب انا اداريه
لذلك تشوفين احنه تعبانين ولازم نتعاون في كل شي



عراقيه واصيله
لا تشكيلي ابكيلك الحال من بعضه

حب نجد
احيانا اقول له بعد كم يوم تطلب مني اكل بمكانك وهو يضحك ولا هامه

لا للخلطات
تعجبني ارائك دائما جريئه لكن يا اختي الرجال ما يتشابهون
وكل واحد له طريقه بالتعامل تنفع معاه ولا تنفع مع غيره
وانا زوجي من النوع الي يعترف انو تعود على هالامور
وان هذا التعود خاطيء لكن المصيبه صعوبه التغيير او بالاحرى عدم التقبل للفكره احيانا واحيانا يعاند عناد وبس

امي حبيبتي
كل شي ما يصير بس نعيش عيشه سعيده

غريبه
والله كلامك موزون وعين العقل لكن ما جاي ينفع لاني كل ما اتكلم معاه هو فاهم قصدي
ويتعمد انو ما يسوي الشغله ويدخلها في شخصيتي ورجولتي وكياني وانه وانتي ووووووووووو


هدوء الليل
كلامك سليم 100% يمكن راحت علينا لكن نقدر نعلم اولادنا
وان شاء الله بيطلعون يساعدون زوجاتهم
(لكن اذا ما حبتني زوجه ابني اقلبه عليها:30: هههههههه شريره من اليوم)
almazyo0o0o0na
almazyo0o0o0na
ماكو ريال يسووي شغل البيت..

بس عااد لازم يكوون متعااون معااج شويه..

حرااام مايصير لانج انتي مو اله ..

انسااانه :(

الله يسخركم لبعضــ...
الحمدلله ^ـ^
الحمدلله ^ـ^
انا مو متزوجة ..
بس عندي ابوي خدوووووووومـ.. ويوم سافرت شغالتنا هو قام يغسل الصحون وينظف الحمامات تكرمووون .. وكثييير كان يساااعد بكل شي..
وعآدي يسوي اشياءه بروحهـ.. مو دايما يطلب من مرتهـ..

صرآحة في رجآل قليل مثل ابوي الله يحفظهـ .. الله يرزقني واحد مثله خخخ ..