زوجي يقول اشتريتك ! كسر قلبي 😭

خواتي اليوم صار شد ب الكلام بيني وبين زوجي وجلس يسبني وسمعني كلام ودايما كلمته انا ماصار عندي ديون الا لما تزوجتك مع ان وضعنا المادي كويس ولله الحمد هالكلمه دايما تتكرر لكن اليوم عصبت عليه وقلت اذا انا سبب الديون انت اخذتني وانت رجال كبير للعلم هو ماتزوج الا عمره ٤٠ ولا قبل كان عايش حياته لا زواج ولا شي وموظف من سنين قلت له طيب وعمرك الي راح ايش سويت قبلي ماكونت نفسك ايش كنت تسوي بفلوسك رد علي جلس يقول اشتريتك !! قلت نعم !! علما ان مهري كله ٢٥ الف ولا كلفت عليه لا بزواج ولا غيره وزعلت مرره وعصبت وجلست ابكي وانا اصلا اذا زعلت ع طول يجيني كتمه واتشنج مااقدر اتحرك كثير يابنات الكلمه جلست بقلبي احس انغبنت مره اول مره بحياتي هو شوي وجاني منهار يقول لو يصير لك شي راح اقتل نفسي وابوس رجولك وسامحيني سكت عنه مارديت عليه شي ابدا راح باس راسي ونام انا غصه جلست بقلبي انه يقولي اشتريتك مراح اقدر اسامحه ابدا احس حتى الاكل ببيته راح اعافه مااقدر اكل من شي هو جابه او اصرف فيه بعد كلامه مع انه الشهاده لله ماعمره قصر علي ابدا لا بفلوس ولا ب طلعات بس فعلا مدري ايش صار له !! وربي ان ارسل لكم وانا راسي محروق والغصه بقلبي من القهر