زوجي يقول اني دااااشرة، مين الغلطان بحق الثاني ؟؟

بختصار كتبت الموضوع وطار فبختصره لكم , اتفق معايا زوجي ع اننا نروح البحر بعد الظهر وهناك اقابل امه واسلم عليها قلت طيب المهم وماجاء ولا اتصل فأتصلت عليه بالعصر ولقيت جواله مقفل فقلت اكييد ماراح يجي فمشينا العصر انا واختي واخوي الصغير رحنا المول وقعدنا نتفرج وندخل كل محل ونجرب الميك اب والعطور مامشينا من المول الا بعد صلاة العشاء ورحنا ع المطعم واكلنا وقعدنا نسولف وتونسنا ووسعنا صدورنا وماوصلنا الا الساعه 11 تماما يعني قبل ساعتين تقريبا المهم وامي تعلمني ان زوجي متصل عليها وجوالها خرب فجأه صار مايطلع صوت المتصل ولا صوتها فارسسل زوجي ع الواتس يسال عني وقالت له امي طلعت السوق وقال لما توصل خليها تكلمني فكلمته وقعد يحاسبني وين رحتي ومع مين ولما قلت له قلت له قامت قيامته وصار يصرخ وينافخ بعدين قال انتي واختي ماتستحون داشرين وسايبين وامك مو عارفه تضبطكم واول ماقال كذا قفلت الخط بوجهه المهم ورد اتصل مره ثانيه وماكنت برد وامي زعلااااانه تنافخ وتصرخ علي وتقول ردي وتقول ياخوفي يطلقها وتجي تجلس ع قلبي هنا وتقول كلام يسم الكبد .... المهم ورديت وينافخ ويقول انتم وش الغرض من روحتكم هاه علميني قوليلي الصراااحه قلت له ايش تقصد بكلامك ذا انا قلت لك كل شيء وكل شويه يكذبني وينافخ ويسأل وش عندكم هاه ماخذين اخوكم الصغير ومن ذا الحكي الماصخ وقال نحنا ماعندنا حريم يدشرون لاخر الليل اذا تبغين الفلته بتفل عليك وخليك عند اهلك وقال تف عليك انقلعي وقفل الخط بوجهي ، علما انه لما ارجع لبيتي مايطلعني ولا مكان السوق مااروحه معاه غير مرتين في السنه ومايخليني ادخل الا محل واحد اشتري منه كل شيء حتى لو ماعجبني والحديقه ماروحه غير في الشهر مره او كل شهرين مره فقلت اليوم افل امها قبل مانرجع البيت 😢😢 حاسه الصباااح راح يسافر ويرجع البيت وماياخذني معه