زوجي ينام عند اهله

السلام عليكم و رحمة الله و بركاته
بنات انا ساكنه فوق اهل زوجي
وزوجي اذا تعبت نفسيته او زعل مني ينام بالمجلس عندهم
اليوم في منع تجول
وكنت عارفه انه تحت بس ما ارسلت له سكتت
لاني بالعاده ازعل اذا نام تحت ..
عادي يشوف اهله ويتغدى وياكل عندهم وكل شي بس النوم احس عيب وصعبه ينام بعيد عن حرمته وعياله؟
المهم اليوم انا كنت ادري انه تحت وما ارسلت له شي
وكنت اهاوش البزران
ارسل لي صوتك طالع تهاوشين ومن تكلمين؟
فتحت رسالته وطنشته لاني زعلانه منه غلطان علي بمواضيع قبل
ارسل انا اسالك؟
فتحت الرساله قلت ما يخصك
قال انا دواك عندي ولسانك طايل معي وكل شي سويته لك ومدري ايش
وهو يا ناس مقصر معي بكثير امور لدرجة اني اغسل مواعيني بمغسلة اليدين؟
وتلفزيونات ما ركب
اطفالي طفشوا يبون الفزيونات
ما يمشينا زي الناس ولا يسفرنا
ولا يجلس عندنا بالبيت ويغيب ايام طويله
المهم يوم كتب كذا دواك عندي وانتي لسانة طايل وانا ما قصرت معك كتبت : هههه
وبس سكتت
ارسل انا اللحين مستانس ودايم استانس اذا ما كنت عندك افتك من وجهك الشين
كتبت : عسى دوم مستانس💜
بنات هو يستفزني مره ويقلل من احترامي حتى قدام اهله احيانا
ويفشلني وانا ساكته ومحترمه واذا جيت اطلبه يصلح شي بالبيت ينفر من البيت
تعبت
والي متعبني يوم يقول استانس اذا كنت مو عندك
طيب ليه تعلمني انك اللحين مستانس؟
انا ساكته تروح تنط علي ليه