زوجي يهددني بصديقته في العمل

السلام عليكم 
الحمد لله على كل حال
يابنات ما أمداني اتصالح انا وزوجي لنا 4 ايام 
اليوم صارت مشكله جديده 

طبعن من 5 سنين كانت عقيقه بنتي مسوين عشا باللبيت
مادﻻيت الا داخله وحده علينا بلثمه وبنطلون ضيق باين من تحت العباة وكعب طويل .قالت انا معزومه من طرف خالد 
الي هو زوجي  وكان كل كلامها على العشا وين زوجة فلان وانتي زوجة مين .. 
اتحملتها وقت الحفله ويوم راحت سويت مشكله لزوجي وانه مو من حقه يدخل شغله بالعائله 
ومشت الايام ..طبعن كنت مو مرتاحه لانها كانت ساكنه جنبنا ..وشغلها مع زوجي بعييد عن بيتنا وهي مطلقه مرتين وارمله  ومعها ولد واحد
كنت اتخيله يمر عليها ويروحون سوا ويجون سوا 

ومن بعدها كانت ترسل ولدها لكل مناسبه عندنا وحتى لما مايكون في احد بالبيت يدق الباب ويقول طيب ممكن اجلس بالملحق ..الين طردته سلفتي 

 والحين اليوم اتصل علي قال عندي بكره توقيع مشروع وما ابي يكون باسمي لازم يكون باسمك عشان الممولين يدفعون بسرعه 

قلت اوك 
قال لازم تروحين المحكمه معي بكره وتسويلي توكيل 
ولازم تجيبين 2 معرفات 
قبت انا مافي الا اختي وحده الي معها بطاقه وما اعرف احد ثاني 
خلي اخوي يجي معنا ويعرفني بدل حرمتين 
قال لا ما ابي احد يدري بالسالفه وانا واثق ان اختك ماراح تتكلم 

الحين بقي علينا ندور معرفه وحده 
قال خلاص ىنا بجيب وحده تعرفك بالمحكمه من طرفي 
قلت من وين 
قال من البنات الي عندي 
قلت مين يعني 
قال مريم ..يقصد الحرمه الي اقولكم عليها 
قلت لا مستحيل اشوفها مره ثانيه وانا مو موافقه وسكرت التلفون بعد ماقلت مع السلامه 

رجع دق علي 
قال شفتي المشروع الي بغيت اسويه باسمك باخذ مريم واسويه باسمها وبجي اوريك الاوراق والختم 
سكرت بوجهه مره ثانيه ومارديت عليه من بعدها 

وانا ناويه الحين اذا جا اهدده باني بترك له البيت اذا جتب طاريها مره ثانيه 

في قلبي نار وضيم عسا ربي يوريني فيه يوم 

ابي رايكم ياحبيباتي