لاهيه @lahyh

عضوة

زوجي 00وأناااااااااااااا

بسم الله الرحمن الرحيم

اخواتي الغاليات الحقيقه اني ترددت اكثر من مره في طرح معاناتي او مشكلتي 00لكني ارجو منكن النصح والارشاد

وسادخل في صلب معناتي مباشره 00

انا متزوجه لي قرابة سبع سنوات ولدي اطفال ولله الحمد 00ومشكلتي تكمن في معاملة زوجي لي

ففي السنوات الاولى من زواجنا كنت احبه بشكل جنوني 00وكنت اموت فيه بشكل غيرطبيعي ولا انكر انه كان يبادلني نفس الشعور -000

ولكن بعد مرور الوقت وبعد ان انجبت ابني الثاني احس انه مو مثل اول 00احيان كثيره ما احس انه يحبني ولا صار يعبر عن شعوره مثل اول 000اغلب اوقاته يقضيها خارج البيت وبحكم عمله صار يسافر كثير ويغيب عنا احيان عدة ايام 00

المشكله ان زوجي من النوع الي على الصامت دائما وقليلا ما يتكلم تخيلوا احيان نكون في السياره او مسافرين ولا يتكلم مثل باقي الرجال --كلمه ورد غطاها على الرغم من اني كنت اول فرفوشه وهذره واحب التنكيت الحين صرت مثله ما احب اتكلم لانه ما يتفاعل معي 00

هو يعرف اني حساسه وزعول وعصبيه لكن احيان ما يراعيني 00وصار يطنشني كثير وانا صرت اعامله بنفس الاسلوب لكن حياتنا كذا ما احس لها طعم وصارت ممله والله اني صرت اتضايق منه كثير ماصرت احس انه قريب مني بالعكس 00حتى ماصرت احب اشكي له ولا اقوله شي عني لاني مااعني له شي 0000

تصدقون اني في احيان كثيره احس اني اكرهه لاني ما احس انه يحبني 000وحتى لما يسافر ما احس اني اشتاق له ولا احس بلهفه تجاهه 00

لا تلوموني فهو الي عودني على كذا 00تعودت على انه دائما خارج البيت واذا قعد احس قي شي غلط في البيت

الوقت بدل الضايع هو الي يقضيه معانا بس 000

احيان كثيره يوسوس لي الشيطان اني اتركه علشان يحس فيني لكن المشكله صعبه اني اترك البيت لان اهلي بمدينه بعيده عن الي انا ساكنه فيها 000

اتمنى لو انه مثل باقي الرجال الي يسولفون معى زوجاتهم وياخذون ويعطون معاهم علشان احس ان متزوجه صدق 00 لكن حتى لما يجيني مشكله ما احب اقوله عليها لاني اعرف اني ما اهمه ولا راح يعيرني اي اهتمام

لا انكر ان فيه صفات زينه 000لكن وش الفايده اذا ما حسسني بقيمتي وحسيت انه مهتم فيني 00

انا عارفه اني طولت عليكم لكن ارجو المعذره هذا مما في قلبي وهو غيض من فيض مثلما يقولون

خلا صة كلامي اتمنى تشورون عي وش اسوي لاني بصراحه ما احس بشي تجاهه ولا صرت احبه ولا صار يعنيلي شي 000000

الي ترد علي وتواسيني الله يدخلها الجنه بغير حساب 00

يلزم عليك تسجيل الدخول أولًا لكتابة تعليق.

تسجيل دخول

@فيافي@ • 15 سنة

الله يسخره لك ويرده لك ردا جميلا ويصلح الحال ياااارب

عليك بالدعاء

& مايكبرني لقب & • 15 سنة

المفروض انتي تاثرين فيه وتخلينه مثلك فرفوش ,, مو انتي تصيرين مثله

لاني انا والله حاسه فيك ياقلبي وحاسه بالرجال السكوت ..

انتي حاولي تغيرين منه ,, لان مع العشره الطويله والروتين اليومي يملل الواحد .. الله يعينك

@الحمدلله@ • 15 سنة

طيب ياغللاتي ..أنتِ تقولين هو ماعاد مثل أول ..؟؟؟

طيب وأنتِ هل لازلتِ مثل أول ..؟؟؟

أكيد تغيرتي ..

مسؤلية طفلين مومثل طفل واحد ..

لانبرأ انفسنا ونلقي باللا ئمة على الزوج فقط ..

أنتِ الآن معترفه أنك عصبية ..وزعول ..,حساسة ..

أسمحي يالغلا هذي ثلاث أبشع صفات في الزوجه ..

الرجل يبغى أنسانه فرفوشه ..مرحه ..بالها طويل ...

تخلي حياته كلها وناسه × وناسة ..

قبل مدة كنت أقرأ أستبيان لأحدى المجلات المحافظة تسأل الشباب عن أبرز الصفات اللي يبغونها في زوجات المستقبل ..

تعرفين أغلبهم أيش أختار ...؟؟؟؟

الفرفشه ..يبغون وحده تصنع عالم من المرح والفرح داخل البيت ..

مااهتموا لا للجمال ولا للطبخ ..,كل همهم الروح اللي تسكن ذاك الجسد ..

الأمر الآخر ..سكوت الزوج ..من المعرف أن الرجل أقل كلام من المرأه ..

يعني طبيعي جدآ يكون أغلب وقته ساكت ..

ممكن تشاركينه أهتمامه ..وتفتحين مواضيع يحب يتكلم عنها ..

شوفي ميولة ..,شاركية ..موصعب ..

أبتعدي عن سوالف البيت والأولاد ومشاكلهم ..

ثالث أمر أنشغال الزوج ..

لاتشغلين بالك بهذي الأمر ..

أستغلي غيابة لصالحك ..

أعتبريه مساحه لتجديد الحب ..

أنشغلي بنفسك وهواياتك ..وبأطفالك ..

بالعكس لو كان يجلس بالبيت كثير كان تلاقيه كثير النقد ..دقيق الملاحظات ..

خليه يغيب ..على الأقل وقت مايجي تكوني تفرغت من معظم ألتزاماتك الأسرية ..

صنعتي له جـــــو ..خليه يشعر بالتميز ..

ببساطه وأختصار لكثير من الكلام ..

تغيري أنتِ أولآ يتغير زوجك ثانيآ ..

والله يسخره لك ..,يصلح مابينكم ..

لميس بياعة التميس • 15 سنة

الله يعينـــكـ بس

ابحــثـــي عن الشي

الي خــلاه زي كــذا

يمكن عشانك

صرتي تهتمي باطفالك وتركتيه

الله يسخر لك زوجك

أنا الزينه • 15 سنة

الله يصلح بينكم 00