زوج اختي الشكاك تعبنا معه

اختي لها ثلاث سنوات متزوجه ومن السنة الأولى اكتشفت ان زوجها شكاك ويشك فيها مع انها انسانه محافظه وعباية راس وشرابات سوداء ومع ذالك تخيلوا يشك فيها ومو اي شك شكوك كل سنة تزيد الشكوك وتتطور 
آخر مره يقول لها هذي طبعات رجلين من في البلاط وهي طبعات رجلينه 
الله يشفيه ويعافيه 
المهم اختي مسكينه كل فتره وهي جايه لعندنا هربانه منه وتشكي من عصبيته واحنا خايفين يسوي فيها شي او حتى يشوه سمعتنا ويصير يتكلم عند الناس 
اختي تقول لالا مايسويها انو يتكلم عند الناس
وانا قلت أطرح المشكلة هذي عندكم ويارب ألقى عندكم حلوول او اجابات
وش الحل مع هالرجال جربنا غالب الحلول ولازال الشك في راسه ورافض يروح طبيب نفسي او يشكي حالته لأحد
ومن خبرتكم في الحياه هل الشكاك له علاج او خلاص يكون الشك ارتبط مع اختي وهل فيه حبوب في الطب النفسي تصرف لعلاج الشكاك ؟
تكفون الفزعة الموضوع مره مؤلم 
تكفون 
ولاتنسونا من دعواتكم الحلوه