زوج خائن

اختي الحمدلله انه حذفها

والحين عليك انك ماتصدين عنه ولا تهملينه لانك لو استمريتي كذا راح يرجع يكلم بنات لانه فاقد شي

لازم تكونين متسامحه علشان تمشي الحياة خصوصا انه حذفها ودايم حطي في بالك مافيه احد كامل ومعصوم عن الخطاء

وخلاص زعلتي فتره وحسستيه في الخطاء

الحين خليك معه ورجعي زي اول واحسن علشان يندم على فعله

الله يعينك

والله ان مثلك احس زوجي يكلم حريم عنده اسامي غريبه في كمبيوتره بس مافتحتها اخاف يصير حريم همن يضيق صدري ويقفل الباب عليه يجلس عند الكمبيوتر الساعات الطوال وانا في هم لايعلمه ءالا لله

عزيزتي
والله متخيله شو حاسه الله يصبرج و يعينج .... اقولج ما دام اعتذر فدوسي على قلبج و حاولي انج تحتويه و تسامحيه.. اعرف انها صعبه و يمكن يأخذ هالألم فترة لحد ما يخف بس صدقيني اذا ظليتي بعيدة عنه يمكن يرجع لهالغلطه و انا اؤمن انه بداخل كل رجل طفل... تقدرين باسلوبج تتعاملي مع هالطفل و تحببينه فيج اكثر و اكثر

و بقولج قصه هي بشكلها العام بعيده عن قصتج بس اريد اوصلج مضمونها عشان ما تخسرين زوجك

في بنت اعزها وايد غلطت غلطه كبيره ما توقعتها منها و جات خبرتني ... والله والله اني كرهتها لحظتها و كانت تخبرني و تبكي ... حسيت وقتها برغبه قويه اني اصفعها على وجهها و اوريها الويل ... بس شو تتوقعي اني تصرفت؟ .. مسكت نفسي و دست على قلبي و حضنتها .. حضنتها و احتويتها ... لأني عارفه اذا تهورت و تصرفت بغير طريقه رح تظل تغلط و تغلط و تخسر نفسها و كل اللي حولها .... و صرت اتقرب منها اكثر .. و اصدقك القول كنت اتقرب منها بالظاهر لكن داخلي غضبانه عليها و مو طايقتها بس ما حسستها باللي احسه داخلي..... لكن مع الوقت قلت لنفسي ربج يسامح ليش ما تسامحيها و هي جايه ندمانه... مع الوقت صارت هي تتقرب مني و كسبتها بطريقتي هذه ... و والله والله انها الحين انسانه ثانيه و احبها وايد ... و كل ما اتذكر انا كيف تصرفت معها اول ما خبرتني احمد ربي على انه الهمني هالشي وقتها

ربي يصبرج و نصييييييييحه رجعي لزوجك عشان ما تخسريه ....

قلبي معج و بدعيلج عزيزتي

الله يعينك يااختي وانسي اللي صار وردي زوجك لك بالدعاء والصدقه