زوج ظالم طاغيه وحياة مؤلمه بالداخل

السلاام عليكم ورحمة الله وبركاته
نعم هذا هو عنوان تجربتي المؤلمه مع زوج طاغيه متسلط وظالم وكنت صابره ولكن الى متى
بقول لكم قصتي واحكمووا
عشت طفوله قاسيه بين والدين منفصلين ومرت أب قاسيه واب قاسي وامي كانت تعاني امراضا روحيه الى الاان ماندري هو مس او سحر او, ,,,الخ
كانت امي أجمل من مرت أبي وكان يحبها أبي من تزوج انقلب على امي وعلينا يا ابنائها وبدت التفرقه لست هنا حتى اكتب طفولتي ولكن شئ يسير منها لتعلموا نشأتي امي شديدة القسوه والعدوانيه طبعا هذا من الجن وليس منها ولكن عانينا معاناة عظيمه وكانت علااقتي بالااثنين سلبيه ولا يوجد اي تواصل عاطفي حياة مفككه كهذه كفيله بأن تجعل منا ابناء مريضين نفسيا مهزوزين نتخبط هنا وهنا لكن برحمة الله كنا على خلق عظيم وأدب وتفوق دراسي ودين لدرجه ينصدموا المدرسات لما يدرون اني من ابوان منفصلين كنت شعله من نشاط أدب وأخلاق وتفوق ودين الااولى ع دفعتي مبدعه بالااذاعه والاانشطه يذكروني معلماتي الى الاان
زوجني أبي بدون مشاورتي ملكت بعمر16 وتزوجت 17وانجبت بنتي18 وانا الاا ن21 عمري زوجي اكتشفت خيانته من اول شهر زوأج ولكن حسن معاملته اول سنه خلااني اسكت وانسى كنت اتألم لااني طفله والله كان يقول اول زواجي ترى من باب الصراحه انا أشيش وانا ورب الكعبه مدري وش الشيشه انهبل زوجي ماتعرفين الشيشه جيته قطوه مغمضه بدت مشاكلي بعد ما جبت بنتي صار فضيع طبعا خيانته مو أي شي لو يطلع سوبر ماركت يغازل لو تمر من عنده.حرمه غازلها لو هي زباله وقح مايستحي قدامي يغازل ومن غير شعور تفكير مايتعدا اللي بين فخوذه كل شي يعرفه عنده مقاطع اباحيه باهبل زاني شفت له مقاطع مع حريم وصخ اسلوب وكلام مايعرف الصلااه ماعمره صلى يضربني ةيهيني قدام اهله وقدام الناس مرا ضربني بمجمع الراشد وربي يابنات بدون سبب قعد يغازل بنت وانا ما حبيت شكلي جنبه وهو يغازل دخلت محل وخليته عشان ياخذ راحته لحقني وضربني وسط الناس تجمع على اللي يسوى واللي مايسوى ولااهي مرا ولا ثنتين اللي ضربني قدام الناس ومرا جته الحاله باول عيد سووود عيشتي ضرب اهانه لسان سليط وربي كنت كاشخه بنزل اعايد جاني وضربني قال وش تقصدين يوم تقولين لااتجي وضربني ضرب اترجاه فكني الناس تحت وهو مافيه رحمه يضربني وسط السياره بدون أي سبب يقول اني عوبه وعنيده وما اسمع الكلاا م وانا وربي يابنات ابي الستر ابي الااستقرار خوافه ومسكينه كيف أجاري واحد مجنون زي هذا بايعها بقووه مايخاف من احد مرا خنقني لين شفت الموت وبرحمة ربي فكني ومرا رفع علي طاوله زجاج بس ربي رحمني ونزلها ومرا عطاني بوكس على.خدي كسر ضرسي والله مجنون وشفت منه شي ماينشاف اكتشفت انه راعي مخدرات مرا يابنات قبلل شهر عندي امتحانات بالكليه وكنت وحام وتعبانه وعلي ماده صعبه قالي بعطيك حبه تنسيك الهم وتخليك مستانسه بس تضحكين وتذاكرين الكتاب كله! !!!!!!! انصدمت يابنات ام بنته وحامل بضناه يبينئ أدمن
هو تجيه الحاله مرات ومرات يرجع طبيعي ويتعذر وانا اصبر واسامحه واقنع نفسي ان هذا بلااء وان كل البيوت مشاكل ومابي ارجع ببت ابوي ومرته ماعزني وانا بنت بيعزني وانا مطلقه وبذمتي طفلين? ? واختي يابنات تزوجت واحد مسحور عاشق وحده وساحرته ومايطالع بأختي طلبت الطلاق وزوجها ابوي بشايب حملت منه بولدها وتركها الشايب وابوي طلقها منه بالغصب والله مالها ذنب ولا عاشت معاه اصلا حملت بليلتها.وبعدها تركها وشافت حلم ان زوجته ساحرته عنها والله اعلم لكن وربي يابنات انها اخلاق وطيبه بس هذا النصيب فأنا صابره تدرون بعد ليه افكر بخواتي الحين.امي مطلقه واختي تطلقت.مرتين والحين انا اتطلق وش بتقول الناس والله اننا.مظاليم وهذا نصيبنا افكر بخواتي من بيتقدم لهم الناس مالها الا الظاهر تعبت من التفكير بس حياتي جحيم ماتنطاق مدري اصبر والح على الله بالدعاء والااسغفار ولا أتركه مع العلم انه أمس طالع مع وحده وقبل شهر مع وحده ومستعد يدفع راتبه عشان ينام مع حريم وانا والله يابنات وحده عجوز شافتني تبيني لولدها تحسبني بنت وانقهرت يوم درت اني متزوجه وسمعتي طيبه بين الناس وادب وسنع وطبخ وكشخه وربي زوجئ نفسه يقول احمد ربي ليل ونهار انك زوجتي وف وق هذا متحملتني انتي مافي منك بهالزمن والكل يتمناني وهو مايملا عينه الا التراب مرا قالي تدرين ودي أغازل وحده مثلك مثل طولك ورزتك وعيونك وزولك لكن مالقيت شوفوا الوقاحه ولحد يظن اني مقصره ورببي اني اسعى لرضاه بنفسي أو بفراشي لكن هو خبيث وصخ مايفكر الا بالحرام وراعي سفر ويطلع اخر مره أمس الصباح طالع مع بنت على اساس كذبت ع اهلها انها بتروح الكليه وطلعت معاه ومرا قبل شهر هذا اللي اعرفه مابالكم باللي ما أعرفه
كلمت شيخين الشيخ خالد الصقعبي والشيخ غازي الشمري
كلهم يقولون هذا كافر فاسق مايجوز تقعدين معاه
بنات انا مو متخيله اني اكون مطلقه واصير علك بافواه الناس وهو يلعب بالكلاا م لعب يقلب الحق باطل اخاف يتكلم علي ويشوه سمعتي
آه يابنات داخلي زحمه حكي بس تعبانه مقدر اكتب اكثر واظن اللي كتبته كافي وماخفي كان أعظم
بنات انا مافيني قووه انفذ خطوة الطلااق وخايفه من الجاي خايفه ع عيالي مافيني جرأه انفذ هالخطوه آه يابنات مرا خايفه وتعبت من التفكير استخرت بس مأرتحت لشي معين ضايعه أبي الستر
رأيت رؤيا وفسرتها مفسره بأني يكون لي نصر كبير ومفرح بنات ادعولي وعطوني ارائكم بقصتي انا ودي اتطلق بنصر ينسجن بمخدرات او تمسكه الهيئه في ناس كانوا يهددونه انه يبلغون انه مروج بس سكتوا عندري رقم واحد منهم قلت يمكن يشهد انه راعي مخدرات ابي اثباتات عشان ماينكر عندي له مقطعين لنفس البنت بس صوته طالع مو مصور نفسه ما ادري تدينه أو لا
اعذروني اكتب من جوال وربي ساعتين كل شوي ينحذف دلووني يابنات وترا هذا غيض من فيض