زوج متبلد المشاعر

اخواتي الغاليات
تزوجت زواجا تقليديا وانا شخصيه رومانسيه وخجوله
لاحظت منذ الخطوبه ان زوجي عملي جدا وكل اهتمامه بالعمل بس كان عندي امل يتغير بعد الارتباط
لكن للأسف فشلت
يوم عيد ميلادي واحنا مخطوبين مر عليه من غير ما ياخد باله ..:35: كلمته في التليفون وقلتله ازاي ما تجيش تقولي كل سنه وانتي طيبه وبقيت محتاره ان كانت المسائل دي مجهوله عنده تماما واللا مصيبه يطلع بخيل
لكن جاني تاني يوم ولقيته بيطلع من جيبه مبلغ ليس بالقليل وبيقولي كل سنه وانتي طيبه :
صرخت في وجهه ايه ده انت بتديني فلوس :mad: ....مش هاين عليك تتعب نفسك وتفكر في هديه قالي انا عارف زوقي ممكن ما يعجبكيش
قلتله لأ انا مش عيزاك تسهلها على نفسك اوي كده والهديه مالهاش معنى غير لما احس انك تعبت فيها وكمان الهديه احساسها في يوم مناسبها مش بعد ما الفت نظرك
تاني يوم جه وجابلي خاتم دهب في منتهى الشياكه وعبرتله عن سعادتي البالغه
واستنيت عيد ميلاده بفارغ الصبر وحجزت احد الاماكن في مول معروف عندنا في القاهره وحضرتله الهديه وعزمت بعض اصدقائي وكلمته يومها في التليفون وطلبت منه يقابلني عشان هشتري حاجات من المول وعيزاه يوصلني
وجه وكانت المفاجأه بالنسبه له ولي لما عرفت انه اتضايق لأني احرجته امام اصدقائي ده اللي قالهولي بعدها بفتره
ويوم عيد الحب بعتله ورد على البيت وكنت بحاول بكل الطرق الفت نظره الى اهمية المناسبات .... كان عندي امل
وظلت محاولاتي مستمره بعد الزواج وكل مناسبه احاول اعمل فيها جديد وكل مناسبه تعدي منه اقابلها باللوم والعتاب لكن دون جدوى وبدأت الاحظ المصيبه الاكبر انه ما بقاش عنده مشكله اذا خرجت بلبس ضيق او ملفت او زودت الميك اب
وماياخدش باله اذا عديت من امام الشباك وانا بملابس عاريه او كشفت شعري امام اولاد خالتي او اقاربي من الرجال
ومن يومين ببص في الموبايل بتاعه مالقتش الرسايل للي كنت بعتاهاله وانا محتفظه برسايله من 5 سنين اصابني الاكتئاب
قولولي فيه امل انه يتغير وللا احاول انا اني اموت مشعري واغيش بليدة المشاعر زيه :44: