زوج مريض بالاكتئاب ..... ابي رايكم

السلام عليكم ورحمة الله وبركاته
كيفكم خواتي
انا محتارة كثير
وقلت ماراح يحلها الا بنات حواء (المجربات)
مشكلتي هي اني مطلقة وعندي طفلين
وهاليومين متقدم لي واحد مطلق
جدا جدا رائع
ومناسب لي تماما من كل النواحي
لكن مشكلته انه يعاني من مرض الاكتئاب
وياخذ علاج من تسع سنوات تقريبا
وحياته عموما مستقرة
وعايش طبيعي جدا
بالعكس احس انه خفيف دم احيانا
لكنه يقول انه أحيانا ما يحس بطعم لأي شيء في الحياة
هو تعرض في حياته لضغوط كثيرة أثرت عليه
لكن أتوقع اني عندي القدرة اغير شوي من حياته
ما اقول اني بسوي معجزة... بس احس اننا متفاهمين ومناسبين لبعض
أو يمكن لأني ما فهمت بالضبط طبيعة الحياة مع مكتئب :(
عشان كذا اتمنى اعرف منكم اكثر
كيف الحياة مع مريض الاكتئاب؟
هل يؤثر على نشاطاته بشكل عام؟
وكيفه في الحياة الزوجية خصوصا؟
هل تنصحوني اوافق عليه؟ (لأنه بصراحة عاجبني جدا ...بس خايفة ان الحياة تكون معه صعبه)
وزوجي السابق يبغى يرجع لي (أنا اللي كنت طالبة الطلاق لأن الحياة معه صعبه )
ومحتارة جدا
اتمنى تكلموني من خبراتكم الخاصة او القريبين منكم
وجزاكم الله خير


(ملاحظة: أتمنى من الاخوات يرفعون الموضوع لأن مالي الا ثلاث مشاركات في اليوم بس :()