زيارتي لبيت اهل زوجي

السلام عليكم بنات انا عروس لي شهر واسبوعين ومن تزوجت الى اليوم ماعمره زوجي قالي روحي معي بيت اهلي دايما يجيبني لاهلي ويروح لاهله وبعض الاحسان اعاند اقوله ماني رايحه اليوم بيت اهلي وانا اكون عارفه انو يبغى يروح لاهلو بس كنت اتمناه يقول روحي معي بيت اهلي تخيلو اضطر انو جلس معي بالشقه وماراح بيت اهله واللي فعلا قهرني يوم العيد الصباح اقوله الحين وين بنروح قال بنروح بيت اهلك نعايد فيهم بعدين اخليك عندهم واروح اعايد بامي وخواتي واخواني وساعتها انفجرت قلت له ليه ماروح معك انا بعد ابغى اعايد بامك فشله اعايد فيها بالتليفون قالي اذا رحتي وين تجلسين فيه اخواني يجلسون مع امي بالمجلس ومو معقوله اخليك تجلسين معهم بصراحه ماعتبرته عذر يعني معقوله ماعندهم الا هالمجلس مايقدرون اخوانه يدخلون للصاله عشان انا ادخل وعنده اخت تخيلو من خطبني ماشفت وجهها ولا اتصلت تبارك لي ابد ابد حتى اهلي مستغربين ماحضرت الزواج ولا الملكه ولا اتصلت تبارك وهي موصغيره كبيره عمرها فوق الاربعين ولما اسال عنها يقولون تعبانه وانا ماادري وش قصة هالعيله الغريبه بصراحه زوجي مره حنون معي ومومقصر بشي ويحبني بس اللي قاهرني هالتصرف ابغى اعرف وش السبب مايبوني ازورهم


وش تنصحوي به