سؤاااال ..؟

الـωـَّلاρ عـليگρ ..👋
بنات ساعدوني بنصيحة بحكي لكم موقف صار معي وبشوف تصرفي صحيح والا جانب الصواب
نحنا شلة من ست بنات كلنا متزوجات وعندنا عيال
علاقتنا مع بعض من سبع او ثمان سنوات تقريباً
نزور بعض نطلع السوق مع بعض نحضر مناسبات بعض
المهم فيه وحدة منهم مطلقة و قريبه من سني تقريباً انا وهي اصغر المجموعة وانا اللي معرفتها ع البنات وصارت من ضمنهم ماعمري شفت منها شيء مو كويس المهم كنا نساعدها كلنا لان اهلها كانوا متحفظين جداً ومشددين عليها فكانت تشتكي لي دايماً منهم كنت ازعل عليها واحاول اساعدها بس مهما سوينا لها لازم تجلس تنقص من موقفنا معاها وتحسسنا اننا مقصرات معاها ولو هي مكاننا سوت وسوت و و و و
غير كذا تحب اسلوب التوجية يعني تأمر علينا انتي ي فلانه سوي كذا وانتي سوي مع زوجك كذا وانتي سوي مع اهل زوجك كذا احيان اذا تجمعنا يكون وحدة عندها مشكلة وحاله تفضفض لنا مجرد فضفضه ماتبغى حلول تقوم هي تسبها انتي فاشله مافيك خير وانتي وانتي خليكي كذا سوي كذا ي بنات نصائحها لو احد طبقها تنهدم حياة الوحدة بليله ونهار ..!
انخطبت وتزوجت .. واختفت عنا فترة يمكن خمسة اشهر
كنا نتحاشى الاتصال فيها نبغى لحد ماتاخذ جو مع زوجها وعيلته وتعرف طبعه بعيد عنا بعدين رجعت تراسلنا وتتصل قلنا بنزورك في البيت رفضت تماما قدرنا هالشيء
قالت بنتجمع في بيت فلانه اللي هو عندي قلت اوك حياكم الله
جت هي والبنات هي مو اول مرا تدخل بيتي سبق وجاتني فيه قابلت زوجي عند الباب حق العمارة قالت لي ي فلانة زوجك بغى ياكلني بعيونة مع العلم ان زوجي محافظ ومايحب ينظر للحريم ماعلقت قالت قدام البنات ستايل بيتك قديم وذوقك سيء جداً في الاثاث انتي مو ناقصك شيء عشان يغير لك زوجك اثاثك ماتعرفي تلفي عقله عشان يجددة لك ..!
بيتي جديد تونا سكنا وقتها من سنتين والاثاث ماجددناه كله بس بعد يعتبر جديد
قلت لها مو الحين اجددة لاحقة عليه ان شاء الله
اخذتنا السواليف ورجعت لي قالت انتي ناقصك تنحفي كم كيلو وتسوي رياضه و شعرك و و و و و ..!
انا لو منك اطلع الفلوس من عيون زوجي
قالوا لها البنات خلي البنت بحالها مستلمتها من اول مادخلتي ههههههه..
قالت لا بس حياتها ماتعجبني زوجها ( داعسس) عليها ..!
مع العلم ان وضعي طبيعي حتى لو يصير مشاكل بيني وبين زوجي عاديه وانا ما ارضى ع نفسي الغلط لا من زوجي ولا غيرة
انتهت زيارتهم
بعدها بكم يوم اتصلت فيني قالت لي تعالي معايا المستشفى بعدين بنروح السوق وقتها كان بداية الصيف
كلمت زوجي هو كان مسافر مدينة ثانيه قالي روحي
رحت معاها المستشفى كان فيه دكتورة جديدة حقت تغذيه قالت ترا اخذت لك موعد معاها ..! ههههههههههههہَ
قلت سلامات شاكية لك الحال انا؟ قالت لازم تغيري جسمك وشكلك
ورفضت انا قالت انا دفعت الكشفية ومدري ايش قلت معليش كان ماتتصرفي من راسك قبل تقولي لي
طلع ماعندها حاجة في المستشفى الا عشان تجيبني للدكتورة ..!
خلصنا السوق قالت لي انا واثقه ب السواق وعندي مشوار صغير بخلصه ونرجع قلت وين ؟ قالت سر تشوفيه اذا وصلنا
انا ي بنات خفت من مجرد كلمة واثقه في السواق ..!
قلت لها لا معليش رجعيني بيتي قالت ي هبله مافيها شيء وانتي مو عارفه تعيشين حياتك صح و و و و
ورفضضضت تماما ورجعت بيتي
ماعرفت وين كانت ح توديني ومن بعدها قلبي قرصني منها
صرت اتحجج اذا فيه جمعه وبيجون بيتي وهي معاهم
مسكت البنات اللي اكبر منا وعاقلات جداً حكيت لهم ع موقفنا انصدموووا وصاروا حتى هم يخافون واتفقنا نقلل جمعاتنا ولو فيه جمعة نسويها برا البيوت افضل
استمرينا علي هالحال
وفي يوم كلمتني وحدة من البنات قال ي فلانة فلانه اللي هي البنت صاحبة المشكلة اتصلت فيني تبكي تقول انك تكلمين زوجها...ولقيت رقمي معاه ب الجوال وبينا مسجات و و و و و انصدددددمت 😕
اتصلت فيها انا وكان اسلوبها معاي ضحك واستهبال قلت انتي مكلمة فلانه قايله عني شيء عندها؟
قالت ايوا زوجي مو هامني ترا بس بعرف من متى تكلمينة؟ قلت انتي صاحيه والا مجنونه؟ ايش اللي اكلم زوجك ايش ابغى فيه؟ وتشادينا ب الكلام قالت تقولي لي من متى تعرفينه والااااا هذا اخر مابيني وبينك ..! قلت انتي لسى ح تتشرطي ي ستي انا ابيها النهاية بيني وبينك انتي وحدة مريضه وخرابة بيوت و و و وحظرتها وهي حظرتني
حاولوا البنات يصلحون بينا ورفضت نهائي
وقلت لهم اي جمعة تعزموها لها انا ماتعزموني اي مناسبه اي شيء ماتكون معي ابداً
وفعلاً خرجناها نهائي من الشلة لا عاد يزورونها ولا يكلمونها ولا شيء
واتصلت في البنت اللي قالت لي انها كلمتها سبتها قالت لها انتي عديمة التربية والاخلاق ... اعلب الينات عملوا لها حظر
غابت عنا سنة وكم شهر
وفي رمضان جتني مسج واتس من رقم غريب تهنئة برمضان وانو هي مشتاقه لي طبعا الرقم لها قلت مسن انتي؟ قالت انا فلانه حبيت ابارك لك ب الشهر
قلت وغيرة ؟ قالت ابد بس بكلمك لو فاضيه طفشانه ومتضايقه
قلت معليش مابيني وبينك اي تواصل او كلام هالشيء انتهى من زمان
ولا عاد ترسلي او تتصلي ع رقمي
وتجلس تسب ب الواتس انتي كذا وانتي كذا
وحظرت رقمها
هل معي حق في اللي سويته او لا لان صاحباتي مو قادرات يفهمون سبب تصرفها ذا