سؤال:هل فعلا هناك مايسمى بدموع التماسيح؟؟؟

صباح الخير بنساء أحلى عالم عالم حواء...
في شي غايضني وابغى رايكم ... اهل زوجي من الاهل اللي يفهموا زوجة ولدهم ترى هذا ولدنا وانتي مالك شي فيه ... ودائما يفهموا بطريقة اوباخرى زوجي انه يوديني عند اهلي في المناسبات والاجازات ويجلس هو معاهم ويستانسوا..
المهم في الموضوع ان زوجي طيب لدرجة فظيعة ومايعرف يشك او يكذب احد ..
اهله من الناس اللي دموعهم على خدهم اربع اربع .. والله واحلف وانا صايمة المواضيع اللي يبكوا عليها تافهه جدا .. يعني مثلا اذا نحف زوجي شوي بكيوا اخواته ياالله نحفت ودموووووووووووع ماادري من و ين جايبينها ويقولولي حرام عليكي اكليه ... ومواقف اسخف من كذا بكثير .. عاد هو يقولي انتي ليه ماتبكي زي اهلي .. كثير يضحكوا عليه بها السالفة وهم يبكوا وفي مواضيع كثير صارت بيننا هم فيها الغالطانين بس لانهم يبكوا ومع البكاء حلف وقسم بالله انهم مو قصدهم يسووا كذا او انهم اذا سووا شي فهم لانهم يحبونه (يعني انا اطلع بره)... تصدقوا ان امه واخواته يحلفوا قدامي عند الناس بسوالف انا اعرف انها كذب من هنا عرفت انهم كذابين ... ...
السالفة هل في ناس عندهم هذي القدرة على استدرار الدموع ...... يعني صدق في ناس تقدر في ثانية تنزل دموعها ...انامااقدر اكذب زيهم ولا اقدر اكون زيهم ...بس هم يحاولوا يسرقوا مني زوجي وحتى اطفالي .. دائما يفهموا زوجي انهم يبغوه ويبغوا اطفالي ولا همهم فيا ... والله وبالله وتاالله ان عمري ماآذيتهم وكثير شاهدين على كذا ... لكنهم غيرانين من حب زوجي لي وهو الصراحة يدللني كثير .. حتى هم اعترفوا انه يدللني وقالوله ليش تدلعها واحنا مبهذلين مع ازواجنا..
اول مرة افضفض في عالمكم رغم قدم عضويتي ماابغى اصدع راسكم.. بس انا ماني قادرة استوعب قدرتهم على استدرار الدموع فهل في ناس فعلا كذا...
واعذروني على الاطالة