سؤال خاص لبنات حائل عم مستشفى الراشد الله يسعدكم

الله يعينك
والله ما أدري لكن بنت عمتى كانت تراجع عند السودانية وتمدحها وولدت عندها

بس معليش
أحسن لك الولادة في مستشفى بالرياض وبعدين روحي للوالدة
الله يفرج عليك

أدعي الله بالهون
واكثري من الصلاة والسلام على نبينا محمد

للرفع وين بنات حائل معقوله مافيه الا وحده بس بالمنتدى

للرفع عزيزتي

راح اضل ارفعه الين مابنات حائل يردن او اي احد عنده خبر

اهلين الجوري

اولا الله ييسر لك ويهون عليك

ثانيا انا بنات حايل لكن ساكنه الشرقيه وقبل شهر تقريبا جيت لحايل عشان اولد عند امي وكنت مخططه على الراشد وبالتحديد عند ابتسام طبعا قبل جيتي لحايل رحت للمستشفى اللي متابعه عنده بالشرقيه وقالت كل شي عندك اوكي لان كنت بسافر بسياره وخفت اجازف المهم وبعد ماجيت لحايل رحت لأبتسام الله يقطع ذيك الخشه على اسا اتايع عندها لحد مااولد وتسوي لي سونار قالت مويه البيبي ناقصه وأن مر اسبوع بسوي سونار ثاني إذا نقصت اكثر راح اضطر اسوي لك قيصري قلت لها طيب انا ماينزل مني مويه كيف نقص المويا قالت المشيمه ضعيفه عملها وماتغذى الجنين مع العلم ان السونار حقها قديم جدا مقارنه بجهاز السونار حق مستشفى ارامكو المهم طلعت من عندها وانا والله ابكي خفت من العمليه قالت لي الوالده صدقيني ماعندها سالفه خل نروح مستشفى الولاده ومن بكرا اروح للولاده وبالموت دخلت على الدكتوره سوت سونار قالت كل شي تمام وانا اقولها سالفه ابتسام قالت طيب انا بنادي الاستشاري يأكد كلامي عشان ترتاحين وفعلا جاني الاستشاري قالي المويا تمام والوضع كله طبيعي وعطوني موعد وقالوا لي خلاص المتابعه لحد الولاده تكون عندنا فا قررت ان اولد بالولاده واترك ابتسام <<<قلت قصه حياتي بس انصحك بالولاده تراني انا مثلك خايفه وبكريه بس متكله على الله والتسهيل من الله مو من المستشفى