سؤال سخيف ما احبه ، ايش السوات ؟؟

السلام عليكم
بنات الله يخليكم احد يقولي حل
انا مرة طفشت من الاسئلة الهبلة
اهل زوجي كلما يشوفوني ولا يكلموني تلفون على طول اول سؤال : ما ولدتي ؟؟؟
وربي سؤال سخيف ويقهر
خلاص في كل مرة يسألوا السؤال هذا
انا لسه ما دخلت التاسع ، واقولهم بعدي بالثامن وبدري عالتاسع
يقولوا عادي ممكن تولدي بداية التاسع
يعني وش السخافة هذي ؟؟؟
انا احس ولادتي بتتعسر من السؤال هذا ، بجد لأنه منتظرين متى بس اولد ، احسهم ميتين على موعد الولادة ، كأنه هم الحاملين مو انا
ما ولدتي ما ولدتي
وهم على نفسهم يخبوا ،، لما سألت عن نيتي وحدة فيهم انتي بأي اسبوع الحين ؟؟ ضيعت السؤال وما حددت
وانا خلاص صرت ما اسأل ، ما احب احسس احد اني منتظرة يوم ولادتها ، وعلى بالي سؤال عادي ، بس لما شفتها ضيعت السؤال مشيتها ولا عاد سألتها ووالله اعتبرت الوضع عادي جدا ولا اخذت في خاطري ، ورجعت قلت في نفسي من حقها
وقبلها مرة سألت وحدة ثانية انتي بأي شهر وجوابتني ووجهها مقلوب ، ومن بعدها برضو ما سألتها ابد
وهم بس يسألوني : وما ولدتي ؟؟؟ ما ولدتي ؟؟؟ ماولدتي ؟؟؟ وكمان يسألوني دايما انتي بأي شهر
شهري عادي اقولهم لأنهم اهل زوجي في النهاية ومو حلوة اكذب
بس ماولدتي هذي مرة تقهرني
وش اسوي ؟؟