amalik @amalik

عضوة

سؤال محرج جدااااااااااااا

السلام عليكم ورحمة الله وبركاته
طاب مسائكم اخواتى فى الله

لما الواحد فينا بيكون غايب عنه حد بيحبه
وبقاله كام شهر مستنيه يجى بفارغ الصبر ..عمال يفكر ..هقابله فى المطار ..وهجهز كل حاجه علشانه ..ده من اعز الناس عليا..هو انا ضامن اشوفه تانى ..!!
ولما يكون المنتخب عنده ماتش مهم (مع ملاوى مثلا) بيجهز من قبليها بشهر ..ويعمل معسكرات فى المانيا وفرنسا وموزمبيق ....الخ

سؤالنا يا جماعه هو ...ماذا اعددنا لرمضان؟؟؟؟؟؟؟؟؟؟؟
يمكن ناس كتيير هتقول احنا فين ورمضان فيييييين؟!!

فيه موقف كان بيحكيه احد الاخوة كالتالى :
كنت خارج من يومين من المسجد بعد صلاه الفجرفقابلت جماعه زمايلى فسالتهم جايين منين ؟قالوا كنا ساهرنين مع بعض بنتفرج على فلمين ونلعب بلاى استيشن ..طب وقيام الليل يا رجاله ؟؟طيب صليتوا الفجر ؟؟طبعا لا..قالولى احنا رايحين نلعب كوره ..تيجى معانا..قولتلهم انا صايم مش هقدر ..فواحد قالى :يانهار انت صايم ليه ..؟؟هو رمضان لحق جه واحنا منعرفش ولا ايه؟؟المهم الرجاله لعبوا وناموا وضيعوا حتى صلاه الجمعه..!!!ولا حول ولا قوه الا بالله..

يا جماعه لو اللعيب مسخنش قبل ما ينزل الملعب بيجيلوا شد فى اول خمس دقايق..اذا كان ده حالنا قبل رمضان ..!ليه بنستغرب ان احنا مش بنقدر نكمل رمضان بنفس الروح العزيمه اللى الكل بيبدا بيها اول الشهر..؟؟
استعدينا ازاى لرمضان؟؟
ان عارف ان الاجابه محرجه جدااااااااااااااااااااااااااااااااا عند معظم الناس الا من رحم ربى...خاصه لما نقرا فى سير الصحابه والسلف
ونشوف هما كانوا بيجهزوا ازاى للشهر العظيم ده
وقد ايه فعلا كان صدقهم مع الله فكان ربنا بيقويهم ويباركلهم فى شهر رمضان..
الواحد بيبقى هاين عليه يعمل اي حاجه فى نفسه علشان تبطل الاستهتار والتهاون والغفله اللى احنا عايشين فيها..!!

لما نيجى نشوف اهل الباطل بيستعدوا ازاى للشهر من قبلها بشهوووور بالافلام والمسلسلات والفوازير وبرامج المسابقات وكل حاجه عايزين يلهوا بيها الناس عن طاعه الله ..
المفروض ننكسف من نفسنا شويه ...هنقول ايه لربنا؟؟؟؟؟؟؟؟
يا جماعه الناس اللى عليهم امتحانات..قد ايه عمالين يذاكروا ويدعوا...وفى ناس والله مش بتنام غير ساعتين ولا تلاته..ده كله علشان امتحان دنيوى لو الواحد رسب فيه لا قدر الله حتى مش فارقه معاه..
انما لما يكون الواحد داخل على شهر رمضان ..يبقى لازم يفووووووق..لازم يصحى من النوم اللى هو راقد فيه طول السنه ..رمضان ده اخطر شهر فى السنه كلها وكلنا عارفين الاحاديث التى بتوضح كده ..
فرصه لا تعوض..مين فينا ضامن يعيش لرمضان السنه الجايه ..مين فينا يضمن عمره ولو للحظه جايه.؟؟
احنا داخلين باذن الله على اكبر نفحه من نفحات ربنا فى السنه ..
ولما الرسول يدعى بالخسران على اللى يطلع من رمضان وهو لم يغفر له يبقى عايز ايه تانى من الدنيا !!
باذن الله مبقاش اقل من 100 يوم على رمضان ..عايزين الناس تشد حيلها فى الايام دى ..عايزين الناس تحس بخطوره الشهر ..عايزين الناس تعرف ان الثانيه فى رمضان من دهب..بل اغلى والله..
يلا نشد حيلنا ونبدا جدول عملى من دلوقتى نستعد بيه لأعظم شهر..

للامانة منقول , موضوع عجبني كثير

أسأل الله ان يبلغنى واياكم الشهر الكريم..

460

يلزم عليك تسجيل الدخول أولًا لكتابة تعليق.

تسجيل دخول

تــــوت • 13 سنة

الله يجزااااااااااااااااااك الجنه
موضوع مفيد وصدف حنااا مقصرين

jouliana • 13 سنة

لا اله الا انت سبحانك اني كنت من الظالمين

(اللهم إني أشهدك وأنت خير الشاهدين أني عفوت عن من سبني أو قذفني أو شتمني أو أغتابني أو أنتهك عرضي أو سرق مالي أو أخذه بغير علم أو أخطأ بحقي أو ظلمني أو أستهزأ بي)

ربي يهديك ويجمعك بمن تحبين

اللهم أشغلني بما خلقتني له ولا تشغلني بما خلقته لي..
رب اعف عنا وعن موتانا

.اللهم انا نعوذ بك من عذاب القبر وفتنة القبر اللهم هون علينا سكرات الموت..اللهم اغفر للمسلمين والمسلمات الحياء منهم والاموات ..اللهم واجعل اخر اعمالنا خواتمها ...
الله يحسن خاتمتنا يارب العالمين

اللهم فإني أحبك..
أريد الجنة بقربك..أريد الجنة بقربك..
مع النبي الكريم المصطفى..
مع النبيين..والشهداء..والصالحين.. والأخيار..
مع أحبابنا..وإخواننا..وجميع المسلمين..
ومن قال:..(( لا إله إلاّ الله ))..من قلبه..خالصةً لوجهك..

جزاك الله عنا عزيزتي الغالية خير الجزاء وأفاض عليك من نعمه ظاهره وباطنه

قلوب ماطره • 13 سنة

جزاك الله خير

مملكة كندة • 13 سنة

جزاكـ الله خير:،ْ~
ووفقكـ وباركـ فيكـ
سلمت يداكـ
،ـْ~ٍِ":/،ـْ~ٍِ

زهرة مرحة • 13 سنة

غسل الله قلبك بماء اليقين
واثلج صدرك بسكينة المؤمنين
ورزقك رضاه الى يوم الدين
وادخلك الجنة بعد عمر طويل
وعافاك من كل تعب وانين
آآآآآآآآآآآآآآآآآآآآمين