بسم الله الرحمـــــــــــــــن الرحيـــــــــم
السلام عليكم ورحمة الله وبركاته
بأدخل في الموضوع
قريت الموضوع اللي (كاتب في المنتدى مين تبغى تتزوجني) !!!!
المهم في مقطع اللي هو اللي يحبك يجي للبيت يقول أحبها وأبغاها:44:
طبعا قصة معتاده ...
حبيت واحد قريبي ومن واحنا صغار مع بعض نلعب سووى ونخرج سوى وكل الاجازة واحنا مع بعض المهم طبعا تعلقنا احنا في بعض لكن كل واحد ساكت بعد ماغطيت منه بسنه او سنتين تقريبا
الا اتقدم وخطب وكنت صغيره وهو اكبر مني بسنه رفضته :44:قولت صغيره وهو يبغى يملك عشان يكلمني انا قولت لا لسى صغيره وماصار شئ وبعدها غاب لاصرت اشوفه لا في عزايم ولا جمعات مع اني كنت بس باعرف اذا موجود او لا وبديت اتقهر اني رفضته وسمعت بتعبه نفسيا واساسا انقلب حاله وبعد سنتين اتقدم اخوه لاختي وهو اتقدم معاه وصار زواجهم :39:
الا صارت مشاكل على طووووووووول ماكملوا مع بعض ايام:44:وصار الطلاق
طبعا الموضوع وقف علينا الصغار ومحد اتكلم في الموضوع وكم مرة يسمع كلام من اخويا انه ترى انت فيك وفيك وهو ساكت
وهنا التـــــــــــزم--
وبعدها محد راضي يفتح الموضوع لا ام ولا اخت ولااحد عشان المشاكل قام هو بنفسه كلم امي وكلم اخواني وصبر على كلامهم هو غير واخوه غير والمهم ماصار شئ في النهاية :44:
لكن المشكله اني مو قادرة اوافق ولا على واحد كل اللي يتقدموا اكرههم واكره اهلهم يعني لما تجي اهل العريس ولا اسمع عنهم اكرههم لاني كاني مغصوبه عليه ودحين متقدم واحد حتى عمره فوق التلاتين معرف بالضبط محد قلي وانا لسى 20 واساسا :44:مو قادره افكر في احد تاني اتعب
اقول يمكن الايام تجمعنا هو يخطب وانا انخطب يعني كل واحد يفكر في مستقبله كمان
واقول يمكن اتزوج واطلق ولا هو مايلاقي وزي كدا طوووووووووووووول الوقت اقول كيف :44:احب غيره ماني عارفه
طيب بس ابغى اعرف اللي اتزوجت وكانت تحب واحد هو قريبها ولا اتعرفت عليه من النت ولا من اي مكان واتزوجت غيره كيف تفكر فيه وكيف عايشه حياتها
او اذا اتزوجت اللي تحبه كيف عايشين
احس لما يكون الحب من يوم انتي صغيره غير ولما يكون قريبك بس الحمدلله
اللهـــــــــــــــــــــ أكتب مافيه خيرا لي وله ولجميع بنات المسلمين واهدنا يارب العالمين ـــــــــــــــــــــــم
** أنا ماأبغى وحده تجي تقول حرام ولا انه هذا كلام فاضي هو انا اعرف الحكم لكن انا سؤالي موجه ومحدد لبعد الزواج
وابغى تفاعل في بنات كتييرييين زيي وابغى نفيد بعض
الله لايحرمكم الاجر :39:
ترى اختصرت كتيييييييييييييير عشان بس تفهموا السؤال وابغاكم تساعدوني الله يفرج عنكم
يلزم عليك تسجيل الدخول أولًا لكتابة تعليق.
كلي طفولة
•
اللهم صلي على محمد وعلى آله وصحبه أجمعين
الصفحة الأخيرة