سؤال ممكن يفيد الكثير مناااا

السلام عليكم جمعه مباركه على الجميع


اخواتي بصراحه انا باخذ رايكم في مشكلة انسانه اعرفها ومالي غناء عن آرائكم كما تعودت استشارتكم

فأنتم بمثابة اخواتي 00هي بصراحه انسانه معرفه وليست صديقه ومابيني وبينها الا الأحترام واستغربت يوم

جات وصارحتني فهي اول مره تقول لي شي يخصها 00المهم كنا مره في عزومة عشاء لوحده من قرايبنا

وفجئه جت وقالت لي بيلسان ابيك قلت آمري قالت انا ودي اصارحك بشي بصراحه ارتحتلك لأنك انسانه تخافين الله

وودي بنصيحتك وواثقه ان الموضوع لايمكن يطلع منك قلت اعوذ بالله 0المهم هي كانت متزوجه وتتطلقت لها تقريبا

4 او 5اشهر وعندها 3اولاد قالت انا يابيلسان كنت انسانه تافهه صحيح كنت اصلي بس اتبرج واذا رحت للسوق احاول

اني الفت نظر الشباب واستمتع بعبارت الغزل اللي يقولونها لي وكنت اكلم رجال بين فتره وفتره واحيان اطلع معهم

بس يشهد الله مايسير شي بينا والحين تبت الى الله بس حسيت ان طلاقي وطلوعي من وظيفتي كل هذا عقوبه

من الله وكثير ناس فرحو يوم تطلقت وتشمتو بي وانا احس هذا كله عقوبه من اللي كنت اسويه والحين والله والله

انا تبت وان شاءالله اني استقمت قلت الله يثبتك وش المطلوب مني قالت ودي اسالك هل الله بيغفرلي قلت الله

غفور رحيم ويتوب على عباده قالت طيب ممكن ترجع حياتي مثل اول يعني ممكن ارجع لزوجي او يعضوني الله احسن

منه وترجع اموري تستقر ويرفع عني البلأ 000؟؟

بصراحه يابنات مادريت وش اقول يعني سؤالها مااقدر افيدها فيه قلت خليني اقلكم هو صحيح اذا العبد تاب عن

الذنب ممكن ترجع اموره مثل ماكانت اكيد المعصيه لها عقوبه طيب ممكن اتوبه لها جزاء 00ان شاءالله انكم فهمتو

قصدي وآسفه على الأطاله انتظركم