سؤال مهم وبيخلي حياتي فيها هدف؟؟

ممكن تحفظي مواضيع على لكمبيوتر على سطح المكتب عن اساليب التربية واهمية مشاركة الاب في توجيه الابناء
وحاولي انتي تقرأي وطبقي قدامه وقولي ان هذي الطريقة تقوي العلاقة بالابن او فيها توجيه (حسب الموقف طبعا)
اهم شي انتي لان اغلب الوقت الطفل معاك وبيكتسب صفات منك
واقرأي في مواقع الاستشارة ممكن تستفيدي
والازواج غالبا مايهتموا

صح كلامك اختي بس احس انه فيه رجال واجد ينتبهوا لتربتهم لاولادهم وانه بصراحه احب ذاك النوع من الجال وتوقعت زوجي يكون كذا بس انصدم بعد الزواج لما اقواها خلنه نقرا في كتب الحياة الزوجيه وكتب التربيه مايحب وماينتبه لي
يعني هل ممكن المره تغير الرجال في هذي الامور وهل ممكن انها تسير مركب الحياة لوحدها بدون مساعدة رجل وكيف؟؟ يعني هل فيه صفات لازم اتحلى بها عشان اقدر اقود بيتي بروحي
انه ماقولك اني زوجي ميئوس منه بس مادري في نقطة التربيه كله يحقرني ويحس انه شي مو مهم وانه اخاف اذا خله كل شي علي بكره يتعود يخلي كل شي علي واتعب ف حياتي ومع الوقت تصير حياتي معه مافيها حنان او دلع وبعدين يفكر بوحده غيري
ولا شرايك؟

اساس التربية وتقوية العلاقة الحنان والهدوء ماتكوني عصبية
ليش متوقعة ان زوجك اذا اعتمد عليك بتكون حياتك مافيها دلع اوحنان بالعكس تقدري اذا نظمت الحمل
ووقتك بين البيت والاهتمام بالزوج والاطفال
اهم شي نفسيتك اذا كنت مرحة ومبتسمة مع زوجك واطفالك وافكارك ايجابية بتكوني مرناحة انتي وزوجك
ومارح يفكر بوحدة غيرك
لاتفكري بطريقة سلبية واهتمي بمعالجة العيوب اللي ممكن تسبب مشاكل مثل العصبية
وتأكدي مع الدعاء والاستغفار الله بيعينك ويوفقك مع زوجك
ولاتيأسي حاولي مثل ماقلت تقرأي في مواقع الاستشارة عن توجيه الاب واحساسه بالمسؤلية في التربية
ولاتقارني بين زوجك واي احد قريب منك وتمدحينه كثير لانه ممكن يعاند ويحس ان مكانته عندك قلت ومايهتم زيادة
واحتسبي الاجر في كل شي