سااااااااااعدوني يابنااااااااات

السلام عليكم ورحمة الله وبركاته

بدون مقدمات انا عندي مشكله وابي مساعدتكم

يمكن بعضكم يشوفها مو مشكله او يشوفها سهله

بس بالنسبه لي مجننتني

ادخل بالسالفه

المشكله في اخوي عمره 30 له اكثر من 6 شهور زعلان ولا يكلمنا وهو طول عمره مثل اغلب الشباب

بعيد عنا شوي اغلب وقته مع اصحابه والي يشوفه مع اصحابه مايصدق انه هو الي معانا بالبيت

بس قلنا عادي هذا اغلب حال الشباب ماكنا نتقابل الا على الوجبات ومو كلها بعد يمكن مره باليوم

بس تعودنا على هالوضع

اول حدث غير اخوي وفاة امي (الله يرحمها ويسكنها الجنه )

بعدها صرنا مانشوفه الا على الدخله والطلعه واذا طلبنا منه يودينا مكان او طلبنا منه شي

جلس يهاوش ويدعي ويلعن الين كرهنا نطلب منه ومانطلب الا وقت الضروره ويسوي مشكله من اتفه الاسباب

صرنا نحس انه يكرهنا اذا زعل جلس يناظر في الوحده من فوق لتحت بقرف واستهتار

لدرجه صرنا نشك بانفسنا كاننا مسوين مصيبه لو انا مانثق ببعض كان شكينا ان وحده منا مسويه شي غلط وفضيحه

وقلنا عادي يمكن وفاة امي ماثره فيه مع انه كان بعيد عن الكل وقلنا يمكن بعد بسبب البطاله

ولو انه طول عمره بطال ليش هالوقت بالذات مادري

وبما اني انا الي بالبيت كانت كل المشاكل في راسي مايمر يوم مايهوش

الين جاء ذاك اليوم وكان مثل القشه الي قصمت ظهر البعير

قبل بيوم كالعاده يهواش ولله الحمد كنت نايمه وجات براسي اختي المتزوجه

المهم جلس يهوش وطردها من البيت واساسا جيتها علشان تجلس معاي لاني وحده وكل اسبوع تجي وحده

من اخواتي المتزوجات عندي واختي تاثرت كثير وكنت مقهوره ماتوصل للطرد

وبعد بيوم جاء دوري جاء وصحاني من النوم يهوش عشان سبب تااااااااااااافه تاااااافه تاااااااااااافه

وانا مملكه ومحددين الزواج المهم قالي اطلعي من البييت ومن هالكلام

انا وقتها ماقدرت امسك تعصابي جلست ارد عليه واهوش ( مع انه من اغلى اخواني وانا اقرب وحده له )

بس وش اسوي ماقدرت امسك نفسي وهو يرد وانا ارد وجاء اخوي الكبير وكان معاي وجلس يهاوشه

انا وقتها انقهرت من نفسي لاني انا السبب وعلى طول لحقته غرفته وربي جلست ابكي وانأسف واعتذر

مع اني اشوف اني مو الغلطانه بس علشان ماخسره ة وهو يوعد ويتوعد ويوم تعبت طلعت وتركته

من بعدها مايكلمنا ولا يجينا طول الوقت من غرفته للشارع حاولنا نكلمه مايعطينا وجه

وبعد شهر رجع يكلم اخوي الكبير الي تهاوش معاه بس احنا لا وانا بالذات

ومحاولاتنا مستمره نكلمه نسوي له طلباته وهو على حاله

ارسلنا له اخوي يكلمه قال مابيهم يكلموني ولا يجوني

قلنا يمكن بشهر رمضان يرضى وارسلنا عليه رسايل بمناسبة رمضان

صح كلمنا بس مثل الشغاله وودي وجيبي بدون زياده

حتى بالعيد عايدنا بدون نفس

وهو على هالحاله للحين ماندري وش نسوي معاه

المشكله زواجي بالعيد وبعيش بمطقه ثانيه وهذ الي مشغل تفكيري

اذا وانا معاه بالبيت مقاطعني وش بيصير اذا صار كل واحد بمنطقه

كثير بيقولون عادي بس صعب اخسر اغلى اخواني

كفايه الي خسرتهم بحياتي ابوي وامي واخوي وخالتي الله يرحمهم صبرت لان هذا موت وربي كاتبه

بس ماتحمل اخسر بعد وهو عايش وربي صعبه

بنات ساعدوني وش الحل

انتظركم لاتنسوني