ساعدونى بالتسريحه+لاكسسوار

مراحب أختي ,,

بالنسبه للتسريحه على حسب طول شعرك وموديل فستانك..

إذا فرضنا أن شعرك متوسط الطول ,,

خلي الكوافيره تلف شعرك كله وترفعه خصل على فوق يعني خصله مرفوعه مره وخصله مرفوعه إلى نص الراس وخصله مرتخيه وخصله نازله على الرقبه ووزعي عليها كريستالات صغنونه أو لفي عليها شريطه كبيره ..

وكان ودي أفيدك بصورة بس للأسف ما أعرف أنزل صور
:(

مشكوووووره اختى..

انا شعرى طوله متوسط ...يعنى لنص ظهرى

ووين القي الكرستالات الصغيره...؟؟

انا ودى اخليه مفتووح لانى ما احب التسريحات المتكلفه :(...بس ولله محتاره

الكريستالات تلقينها عند محلات الإكسسوار وأتوقع موجوده بكل محل بس تختلف بأحجامها وأنتي عاد تختارين اللي يناسب ذوقك.

أو تلقينها عند محلات أدوات الخياطة ,

وفيه طريقه ثانيه أنا سويتها طلعت خيااااااااااااااااال على قولة الكوافيرة ( تسريحة باربي لأنها تخليك كيوت مثل باربي)

أنا طول شعري مثل طول شعرك

أول شي : تستشورين شعرك إستشوار عادي وبعدين تقسمينه خصل مو ضعيفه حيل يعني تخلينها بين الوسط والضعيف

تمسكين كل خصله وتحطين عليها جل أو موس ( رغوة) وتلفينه على فوق وتثبتينه ببنسه
وعلى كذا لين تخلصين شعرك كله ويصير شكله مثل الباروكات اللي يلبسونها القضاة حقين الأجانب<<< يارب أعرف أوصف.

تخلينه الوقت اللي تبين بس مو أقل من ساعه وتفكينه بشوي شوي وبعدين تفرقينه فرقه مايله من عند القصة
مثلا ً : تفرقينه من عند الجهه اليمنى وتلفينه بيدك لفه وحده بس وتثبتينه بالجهه اليسرى ببنسه وتكونين منزله خصل على الوجه عشان يعطيك نعومه وتحطين ورده كبيره أو تلفين شريطه بين القصه والشعر.

وأتمنى أكون أفدتك وأي سؤال لا يردك إلا كيبوردك..

متربعه

تسلمين لى ولله...تعبتك معي :)

بس انا راح اجيب كوفيره وابغي اوصف لها شكل التسريحه الى ابغي..فكرت بالويفي بس اخاف تكون قديمه

انا السنه هذى ما حضرت زواجات عشان كذا ما عندى فكررررره!!!

والطريقه الى قلتىلى روعه ..حفظتها عندى..لانى احتار ايش اسوى بشعرى اذا طلعت :)


الى توده

مشكووووووره...ويعطيك العافيه :)

الويفي مو قديمه

فيه صزر لتسريحات حاطينها البنات في مواضيع كثيره عن تسريحات كلهم حلوووه

أختاري منهم اللي يعجبك

وبالتووفيق