ساعدوني

السلام عليكم ورحمه الله وبركاته. بدايه. مشكلتي. اني ماعطي زوجي حقوقه. من ناحيه. العلاقه انا ماسوي شيء قبلها كل ماتصير تصير بطلبه وهو كانه هالشيء 💔
او القعده معه والسوالف. ماسوي شيء اذا كنت مسببه مشكله ومعصب علي انركه. ولا اسوي اي شيء. واذا جيت بفتح سالفه ماعرف مواضيعي كلها خايسه او افتح مواضيع غلط بوقت غلط
حتى اعتذاري كل شيء اقوله اسفه. وبعدها بفتره ابكي

حتى لما يكون فيه نقاش بيننا ويعاتبني. او لما اسبب مشكله ويعصب علي. ابكي. وهذا يضايقه ومعه حق انا مو مظلومه انا سبب المشكله ومن حقه يعصب. بس انا حساسه لو يرفع صوته علي انفجرت. حتى لو يعاتب عتاب بسيط ماقدر امسك نفسي


اوعده دائما اني بتعدل. بس مايصير شيء
تعبت من كثره الافتراضات. ( اجلس لحالي اتخيل اني سويت شيء. واتخيل رده فعله. واتردد). وهي ماصارت ابدددد
كثره الخيالات متعبتني. حتى الاحلام. احلى اني عدلت ولو عدلت عدلت كذا وكذا. وحياتنا ولا اروع. بس وقت الجد والواقع مافي شيء


اقوله مابي طلاق. واحلف . بس ماسويت اي شيء
ولو كان معصب ادخل. ويقول اطلعي واطلع. رغم انه قايل لي مايحب يقعد لحاله بس اطلع واخليه وتزداد المشكله ( ماعرف اعتذر زين كل مره اقول فلان اسفه بس كثره الاسف تخليه مثل شربه الماء ماني عارفه اعتذر ) واذا سالني عن الحل اقول له مادري وماعرف وبتعدل الخ
حتى لما سالني سوال وش تعرفين بالحياه اتوتر واقول مادري
حتى الحين لو تسالني اي وحده فيكم وش تسوي البنت مع زوجها اقول مادري.


اني ماقصرت معي. خالتي ام زوجي ماقصرت. وهو بعد. سنتين يحاولون فيني 💔






دايم اللي يبدا بحل المشكله هو. وانا اللي ابداا بالمشكله نفسها
تعب هو سنتين وهو يطنش ويمشي وانا حتى الاغلاط التافهه اكررها. بدون قصد بس بنفس الوقت مابذلت جهد


احد ذي المشاكل اني اقعده بالوقت اللي يبيه. اجي اقعده. يا اما يكون صوتي واطي (اخاف ارفعه وهو نايم ويعصب) ماينسمع. او. اشغل المنبه اللي يصك الراس. او اقعد ازن على راسه. وكلمتين هي. قم الساعه كذا واذا زودت قلت راح الوقت


حتى اما اصحيه المس كتفه مرات ينز من النوم يحيب فيه شيء يمشي عليه ونبهني اكثر من مره بس كل ماحاولت اصلح مافي شيء


قاعده ع الجوال رغم ان مافي احد اسولف معه كل اللي اسويه اما العب لعبه او اتابع انمي( مو دايم لاني وقفت المتابعه من زمان) او اقراء قصص مصوره اغلبها رومانسيه. ( وانقهر ليش انا حياتي مع زوجي مو متحسنه انا ايش كذا 💔


ما اقول له كلام حلو ولا استقبله ولا اسوي اي شيء مو عارفه البس زين وزني زايد بشكلٍ فضيع مو واثقه من نفسي مو جميله ولا اعرف احط مكياج رغم انه قايل لي الشكل اخر اهتمامه بس حتى نظافه وترتيب مافي


البيت مهملته كسوله بس احس زايد احس اني اعتمد ع الخدامه اترك المطبخ لما تجي هي كارهه نفسي وكاره هالشيء بس💔 ماقاعده اسوي شيء




لما يسالني عن شيء او ايش ماسويتي او وش بتسوين
مو عارفه اوصل الكلمه اتفرع فيها لما تضيع نقطه الحوار وادور بدائره ماتخلص


احس مو عارفه نفسي. امي تقول انك ماكنتي كذا. بس ماعرف اخاف اقول اي انا مو كذا واكذب على نفسي


تواصلت مع اخصائيه اجتماعيه ماقصرت معي بس ماستفدت شيء. لانها تقول حاولي وتمدني باكل الخ واسكر منها اشوف الواقع. اتردد


الافتراضات هي الاساس. اني افترض تصرف او افترض انه يعصب رغم انه مو صاير شيء. كلها تخيلات.


فيه افتراض. ( اني اذا سويت شيء بيقول لي ليش تسوينه الحين وينك قبل سنتين) واتردد وماسوي شيء
واخاف اسوي اي شيء واجيب العيد فيه


سالني مره تعرفين كيف تصيرين انثى. قلت له لا 💔. حرفيا ماعرف. قلت له مشيه وتنعيم صوت. بس ماعرف


حتى وقت العلاقه الناقصه الا انها روتيننن


ابي اتصرف مع زوجي باريحيه ابي اعرف وش اسوي. ابي اعرف ابتكر اشياء او احداث ابي اعرف افتح مواضيع. بس مو عارفه اجمع
والافتراضات معطياتي صوره. ولما صارحته فيها قال هو انتي جربتي اذا جربتي وماعجبني بقول لك لا مو عاجبني وخلاص ليش اعصب
بس مع ذا مو راضيه تروح. خصوصا. لما اسبب مشكله


هو يطنش اسبوع كل يوم لازم غلط. واخر غلطه تخليه ينفجر ولا اعرف اراضيه.
لي سنه نايمه بالصاله. ويقول لي ليش ماتجين الغرفه. احس. ولما اسبب مشكله. ويعصب اطلع منها
ابي احسن وابي الحياه تمشي وتتعدل. بس مو عارفه. شيء. احسني ضايعه. الوعود تعب منها وهي الحل الوحيد اللي عندي وكنت اقوله لي سنتين

بسبب تحسس العلاقه ذا ماحملت لي سنتين ولا راجعت اخصائيه ولا قلت له بعالج


حتى لما يصيبني شيء اسكت مابي ازعجه هو مو مقصر معي بس اخاف اضايقه لاني وبدون شعور اسبب مشكله اكثر من مره فتحت مواضيع بوقت غلط وقت ماتنفع فيه وقت العصبيه بدال ما اراضيه اقوله وش رايك نلعب💔 بدور اي شيءٍ يحل المشكله بس مو عارفه شيء


هو وخالتي وامي ماخلوا شيء ماقالوه لي وساعدوني 💔 حتى لمًا يمون متضايق. يحاول يفهمني💔


فكرت مره بموضوع العين وات يمكن اللي فيني عين. بس بعدين سكتت. قلت اخاف لاروح لشيخ وماتنحل ومايطلع لها سبب




الله حق مقصره بحق ربي كثيررر وااخر الصلوات💔 كان من وسوسه الشيطان وسوسه نفسي💔






حبيت افضفض بشيء بسبطً رغم انه مو مرتب


هذي بالضبط افكاري💔
اه صح وقت المشاكل يقولي انك قاعده تتكلمين ببرود ( يعني مو مهتمه ) بينما انا اكثر من مره قلت له اتكلم كذا علشان ما ابكي كثير تجيني العبره واتنهد وابيها تروح ماحب ابكي قدام احد لاني اذا بكيت مره قدامه ماقدر امسك تفسي ابدا

الحلول للمشاكل دايم اقول له ماعرف عندي حل واحد وهو اني انفسر( لان عندي قناعه ان المشكله جت من اني ماسويت شيءٍ الحل اسوي)💔

ابي مساعدتكم كيف اراضيه بعد هذا كله!،؟ ( معه حق او مارضى علي بس ابي اغير اعذاري الخايس)

واذا جيت ابي اجي من كيفي مابي اجي بطلبه وكيف اكون له زوجه!؟ ايش اسوي؟؟ مع ذكر مشكله التردد من فعل شيء لاني اول مره اسويه





اخخخخ احس اني ضايعه انا بس بعرف كيف اعتذر وكيف افتح مواضيع معه بوقت مناسب مثلا ماجيب شيء حزين بوقت هو فرحان فيه الو ماكرو غلطتي وقت عصبيته اقول نكته💔
ماعرف افتح سالفه وصارحته اول شهر لما سالني ليش ماتسولفين
ضايعه حتى الموضوع ضايع معي💔




زوجي عنده ضغط ومشاكل الدوام ومشاكل غيري وانا قاعده ازيده💔
متردده انشر الموضوع او اخاف ماحصل حصل
ادري وبدون ماتقولون الغلط راكبني من ساسي لراسي واني مقصره ومافي اي بنت مثلي💔 بس بالله اللي عندها حل اقول كيف اعتذر له ومتى
وش اقول له وش اسوي الكلام الحلو اللي مفروض اقوله له مثل ايش معي كثره نسيان فضيعه ووقت لمًا يجي ويطبق اتوتر وانسى كل شيء وكاني داخله اختبار 💔 داخله على الله ثم عليكم💔




تعبتتتتت💔 اعرف اللجوء لله احسن حل وباذن الله بكسر نفسي وبرجع لله بس ادعوا الله يهديني ويثبتني
واسفه على الاطاله
وشكرا لكم مقدما