ساعدوني... ابي رايكم ....والله دموعي على خدي من القهر

مساء الخير ...........
بنات انا راح اقول لكم عن معاناتي وباختصار... وابي رايكم وتدلوني على الأسلوب الصحيح
لأني والله محتاره.............
أنا أحب زوجي أعشقه عشق جنوني وأقدر مشاعره وماأحب ازعله..
وهو تقريبآ يعاملني بنفس الأسلوب ويتضايق اذا شافني متضايقه ويحاول يسعدني قد مايقدر..

كنت جالسه على النت وفجاه ظهرت لي رساله مفتوحه عبر برنامج الماسنجر
ولما قرأتها شكيت انها رساله من بنت

مضمون الرساله ]

حسبي الله عليها ضيعت حياتي الله يجازيها بالمثل
أنا بصراحه تفاجأت وماصدقت اللي أشوفه لأنه كان دائمآ يتكلم عن الأزواج اللي يخونون زوجاتهم سواء بإتصال أو غيره وأن أسلوبهم خطأ ومايعجبه..
أنا بصراحه وثقت فيه كل الثقه لأنه كان دايم معاي
لكن تعبت فترة واضطريت اني اجلس عند اهلي اسبوع
ولما رجعت البيت بعد كم يوم لقيت هذي الرساله اللي غيرت تفكيري تجاهه انصدمت فيه ...
ولما صارحته اعترف وقال (( مجرد تسليه لما كنت عند أهلك )) تفاجأت انصدمت اكثر واكثر وجلست ابكي ماقدرت اتحمل
هذي الصدمة بصراحه جرحني جرح عمره مايروح وراح يبقى اثره طول العمر
احس انه صعب ترجع علاقتنا مثل أول حبي له راح يقل وتبلدت جميع مشاعري تجاهه
والمشكله لي يوم كامل ماكلمته لاني ماني قادره استوعب اللي صار ومن غير الهموم والافكار اللي تدور فيني
هو اعتذر ويحاول يرضيني لكن انا ماني قادره اسامحه ولا اكلمه حاسه انه خدعني وجرحني..
وعندي احساس انه راح يكررها لو سامحته...
خواتي العزيزات هذي مشكلتي وابغى منكم الراي السديد والحل الي يريحني ويشفي جرحي
لأني والله محتاره كيف اتصرف وتفكيري مشتت وضايق صدري