ساعدوني الله يجزيكم ويرزقكم الجنه

السلام عليكم خواتي
انا متابعه قديمه لعالم حوا وسجلت جديد لان عندي اسئله كثيره وما بلاقي جواب او حل بحاول ادور ع النت وما بلاقي وبحكم حياتي ببلد اجنبي وصعب اني اتصل مع شيخ واساله ولما بسال شيوخ ع النت ما بلاقي رد انا عندي سؤال ويا رب الاقي جواب او تسالولي شي شيخ بكون ممنونه وادعيلكم
انا قصتي ان اولادي اخذتهم الحكومه مني لفتره طويله وصارو تحت وصايتهم والسبب انهم اكتشفو ان زوجي يضربني قدامهم وحطوهم ببيوت ناس غريبه المهم انا تركت زوجي هالفتره ولجات لملجأ حتي ارجع اطفالي وبما اني وحيده وما الي حد غير رب العالمين وزوجي ب هالبلد اضطريت ارجعلو واشوفوو من ورا الحكومه لانه كان عندهم شرط ممنوع اشوف زوجي ويسمحو لاطفالي يزوروني مره بالاسبوع واللي صار اني حملت من زوجي من وما كنت بعرف وتعرضت ل 30 صورة اشعه لما سالوني انتي حامل قلتلهم انا اكتشفت حملي بعد ما صار 3 شهور الحمل ما كنت حاسه بحالي لاني كنت بحاله ما يعلم فيها غير رب العالمين ب اني ارجع اطفالي واترجي زوجي يتنازل وما يحاربنس بالمحكمه. عشان اقدر ارجعهم الي
طبعا لو عرفت الحكومه بحملي.كانت رح. تمنعني من زيارة اطفالي وكمان كانو رح.يستنو لاولد وياخذو البيبي
فقررت اجهض وفعلا اجهضت
لاني كنت ما بفكر غير ب اطفالي اللي كانو رح.يروحو تبني لو عرفو باني.بشوف زوجي او بتصل فيه
الحمد لله رجعولي اطفالي وهم بحضني ورجعت لزوجي بعد ما قفلو القضيه الحكومه انا حاولت اسال شيوخ شو حكم اجهاضي واذا علي ذنب ولا لا
ياريت لو الاقي رد
والله يخليكن ما تقسو بالردود علي لان الله عالم بحالتي محتاجه دعواتكم خواتي