ساعدوني بالتخلص من بسه ربيناها وتورطنا فيها

السلام عليكم ورحمة الله..
شلون الجميع ؟ ان شاء الله تكونو بألف خير ..

الموضوع يمكن تحسوه بسيط وتافه لكن والله مسببلي ازمه نفسيه ماتتخيلوها , فا بغيت مساعدتكم تكفون

قبل 8 شهور تقريبا دخلت علينا قطوه (بسه) ومبين انو توها مولوده يعني لها يومين يمكن..المهم كانت مجروحه تنزف وترجف فا واحد من عيالي قام يترجاني وازعجني ازعاااج انو بس نستضيفها كم يوم ,نعالجها ونأكلها بعدين خلاص نخليها تروح, ووافقت وسوولها مكان بالحوش وودوها لبيطري وطلعت المسيكينه مكفخه وجبنالها أكل خاص المهم رعايه كامله,, وسبحان الله امها تجي تطل عليها من فوق الجدار ولما تشوفها بخير تروح !

المهم البسه للحين ماراحت! ومتعوده على الناس يعني ماتخاف منهم ابدد وتعرف اسمها الي صار ينادونها فيه عيالي وتجي يمهم تركض وتعرف مواعيد اكلها تجي للباب الداخلي وتقعد تصيّح الين مايجيها اكلها.

مشكلتي مااعرف شلون اتخلص منها ؟؟؟؟
وماابي ارميها بالشارع كذا لان تعرفون العيال اول مايشوفون بسه يتراكضون عليها ويشبعونها تكفخ, وحرام هي بذمتي ,ابي مساعدتكم لان والله من جت ماسافرنا! وزوجي مأتشش يقول عشان قطوه تقعدون؟؟ وانا مادري وش اسوووي مليييت لازم نسافر او نروح لمكان وننام هناك ليله مثلا مخيم او استراحه بس مانقدر لان مرتبطه فيها واحس بمسؤوليه تجاهها مو حب فيها بس بذمتنا ..

ابي حل تكفووون.... وش اسوي؟؟؟ وهي طبعا قطوة شوارع يعني محد يبغاها

بس ابي حل انو اتخلص منها بدون ما أكسب ذنبها ولا شي يأذيها وش رأيكم يابنات ؟