ساعدوني تقفلت الدنيا في وجهي

اه اه يابنات ماعندي بعد الله الاانتم كل ماواجهني شي او مشكله القاكم على طول جنبي والله انكم اعز صديقات عندي ولااعرف عنكم سوى الكلام في هذا الكمبيوتر ان ضاقت بي الدنيا لقيتكم خير سند لي
انا قصتي يابنات طويله مع الحمل والاسقاط انا سبق وقلت لكم اني حملت مرتين وسقطت المره الاولى في خمس اشهر والمره الثانيه في شهر لكن موهذي المشكله المشكله في الناس اللي ماتفهم ان هذا من ربي وان هو اللي يبتلي عباده حسبي الله ونعم الوكيل الله يبلى كل وحده تتشمت وماتقدر هذا الشي
القصه يابنات اني رحت اسير اليوم عند جارتنا وكان معي ام زوجي واخواته وجارتنا اللي رحنا عندها المهم بدات السوالف عن تاخر الحمل واللي تعالجت وما حملت واللي سقطت وماعد حملت المهم ماخلوا شي من هالامور
بعدين يابنات بدا الكلام عن اللي تسقط ان فيها مس اوجن بدون ماتحس وانهم هم اللي ينزلون عيالها ويقتلون الاجنه ويسقطونهم وحسيت ان الكلام موجه كله لي وان المفروض الوحده توح لشيخ وان فلانه عندها جن يسوي كذا وكذا فتسقط ونظراتهم كلها فيني ويسمون كل شوي ويتعوذون من ابليس ومن الشياطين
انا يابنات ماعاد دريت وش اسوي كنت بابكي لكن مسكت نفسي وماقدرت اشرب القهوه حقي من الغصه اللي في حلقي عاد رحت البيت وشغلت الجهاز وبدات افضفض لكم تكفون ساعدوني لوبكلمه تجبر الخاطر
انا تعبت تعقدت نفسيتي صارت زفت من هالموضوع اللي كل يوم يتكرر وكل يوم والاسئله تلاحقني ونظرات الناس وكلامهم كل يوم ليه ماحملتي ليه مارحتي المستشفى
وكل يوم يروون قصة واحده نفس المشكله ونفس الحاله وكل وحده تقول عندك وعندك
اه تعبت والله اني افكر اوقات اترك زوجي بسبب كلامهم مع انه طيب معي مره
ولاابغى افارقه ابد انا احبه موت
تكفون شوروا علي وش اسوي مع ان مالي من يوم سقطت الا10 اشهر ومسوين كذا كيف لو اكثر
انا كلمت زوجي نروح المستشفى ونشوف لكن مارضي

لاتقولون يابنا لاتروحين لهم انا ساكنه معهم بنفس البيت ومالقى احد اطلع معاه الاهم ما اعرف احد اهلي في منطقه ثانيه الله يعطيهم اللي اعطاني عشان يعرفون انه ربي اللي بلاني بها الشي

وفيه يابنات اكثر من هالشي لكن ماعد اقدر اكمل تعبت ساعدوني:icon33: هي يابنات قاعده تسالني
اش فيك انتي زعلانه ليه مكتمه قلت لها مافيني شي اللي هي اخت زوجي اقولها والالا