ساعدوني في حل هالمشكلة

السلام عليكم
بدخل في الموضوع على طووووول
اخوي كان متملك :arb::icon28:وعطاه ابوي المهر وشرى له سيارة جديدة كاش ثم عطاه 32000تاثيث البيت
المهم بقى على الزواج شهر اخوي جته هدية تذاكر لماليزيا من خالة زوجته
قال لابوي ان جايتني هداياتذاكرلماليزيا اروح ولاوش رايك ابوي سكت وقال انا ماأأيد لكن انت بكيفك

سكتنا وقالها اخوي لابوي مرة ثانيه وقال ابوي ان كانك بتروح لماليزيا ماراح اعطيك فلوس السفرة ولافلوس تجهيز المطبخ اللي هي المواعين

وافق اخوي



يوم بقى على زواجه اسبوعين قال ابوي وين بتسافر قال لماليزيا ويزعل ابوي وفال انا مارضى وووووو
والمشكلة ان اخوي دفع فلوس التذاكر والفندق

قال اخوي اذاكنت يابوي منت براضي خلاص ماروح
قال ابوي بصرك


المهم تزوج اخوي وكان مستاجرله فندق ليلتين ثم بيسافرون للعلم ان بيته قريب من الفندق

يوم درى ابوي انه مستاجر فندق وينهبل ويزعل ليش تاخذ فندق وراك مارحت لشقتك
وزعل ابوي على اخوي زعل الله لايوريكم حيله ولا قوته

حتى انه ما ودع اخوي قبل لايسافر ويوم سافر وصل لماليزيا ارسل لابوي رساله وقاله ابشرك اني وصلت بالسلامه وانا ماقدراكلمك لان سعرالقيقة24ريال اذاطلعت شريحة راح اتصل عليك ومارد ابوي على رسالته

المهم طلع اخوي شريحة واتصل على ابوي وردابوي وسوى نفسه نايم وماكلمه زين ابد واتصل اخوي مرة ثانية في يوم ثاني ورد ابوي وقال عندي رجال وابوي طبعا يكذب ماعنده احد

واتصل كم مره على ابوي ولايرد
يوم جا قبل امس وارسل خوي لابوي رساله ورد عليه ابوي وقال مراح اكلمك وانت في ماليزيا اذا وصلت للرياض راح اكلمك

وابوي يهدد ويتوعد انه اذا جاء بيهاوشه ويهزئه

وماسال ابوي عن اخوي ابددددددددوما كان عندنا ولد مسافر

وامي مررررررررررررررررررره ضايق صدرها وماتدري وشلون تتفاهم مع ابوي بهالموقف
لان ابوي شدييييييييييد وحااااار

ابوي يقول انا عطيتك الفلوس خلاص ماتسوي شيءالامستاذن مني على مايقولون ماتنظم خيط في ابره الامشاور

وتسمع كلامي في كل شيء

وامي تبي من ابوي يعطيها فلوس علشان تشتري هديه لزجة اخوي وخاااايفة من ردت فعله


بالعلم ان هذا اول ولد يتزوج بالنسبة للاولاد لمن انا سابقته بالزواج

واخوي موصغير عمره24

والفلوس اللي ابوي عطاها اخوي
راح يرجعها اخوي الشهر الجاي كل شهر يدفع2000الين يرجع لابوي كل فلوسه حتى المهر

وابوي راح يسافرالاربعاء واخوي بيجي من سفرته الاربعاء

ماادري ابوي من حاش علشان اخوي بيجي ولا كيف

بالعلم ان ابوي كان مسافر الاسبوع الماضي وامي حط في ملابسه رساله وغلفتها وابوي ماجاب لها طااااري
وماكان فيه شيء صاااار


عطونا حل لما نحن فيه

الله يفرج عليكم من كرب الدنيا والاخرة
ويحقق لكم ماتمنون ويسعدكم يااااااااااااااااااااااااارب