ساعدوني .. مانع الحمل

صباح الخير عليكم
وان شاء الله تكونوا كلكم مبسوطين بالجو الحلو دا
حبيت اسالكم خصوصا يلي كان عندهم تكيس بالمبايض وحملوا
انا كان عندي تكيس وقعدت اتعالج سنتين والحمدلله حملت
بس جا وقت الولاده ولدت قيصري لانه كان معي سكر الحمل
وجبت بنوته يارب احفظها ليا
هل التكيس انتهى بالحمل دا خلاص ولا شو؟لازم اتعالج تاني في كل مرة ابغى احمل
وقالولي ماحمل على الاقل لمده سنه وبنفس الوقت مايعطوني مانع
فايش الطرق او ايش اختدوا موانع للحمل
نفسي الاقي شي طبيعي ولا تقولو لي زوجك لانه رافض يلبس شي
والانتهاء بالخارج يقولي احسبي وايام التبويض اكب بره(سامحوني على الفاظي بس محتاجه لكم)
بس انا متاكده انه لمن حملت كانت دكتورتي تقولي مافي حمل انه ايام التبويض ماسار جماع ولمن عدى شهر ماجات الدورة وحملت قالت غريبه سبحان الله كيف سار الحمل؟
فبالله خبراتكم في الموانع الطبيعيه والي ممكن اخدها
خصوصا انه نزل مني دم بني مده يوم واحد وراح ومني عارفه هو شو دورة ولا ايش؟