ساعدوني وش الحل تعبت نفسيا

السلام عليكم ورحمه الله


ابي اقولكم المشكله طبعا المشكله طويله لكن بختصرها بنفسي اولا

مشكلتي ان انا عمري 25 سنه مو ناقصني شيء ولله الحمد كاخلاق وبيت زين وشكل

ولله الحمد لكن تخيلو ماحد خطبني او شافني :44:

اول شيء في بيتنا كان سحر قديم يقولون في اثر ومرات يقولون راح
لكن انا نفسي يقولون فيني وفي يقولون مافيني سحر
بس يقولون فيني اذى:44:
بيتنا ماتتصورون مشاكل وضيقه خلق

امي وابوي كبار بالعمر بس حتى من زمان مدري شقول بس الله يسامحهم

مو هذي المشكله المشكله اني من زمان وانا ادعي ربي سنين وسنين
من زمان وانا متيقنه الاجابه من زمان وانا واثقه من ربي انه بيعطيني اللي اتمناه
لكن فجاه اختفى كل هذا يابنات

انا اقولكم ماساتي
انا ماعدت مومنه بالله مثل قبل
ومو على ثقه او حسن ظن:44:

يئست من الحياه ومن رحمه الله

فتره تركت الصلاه ورجعت لها الحمد لله
ولا عندي نيه اني اتركها الله يثبتني

المهم بس تركت الدعاء والذكر
صار الشيطان يوسوس لي ويقولي ترى تتعبين نفسك
دعائك الله ما يجيبه
الله بيعطي الناس كلها وما بيعطيك
صارت هالافكار مسيطره علي
يناس انا تعبانه وربي انا على شفا حفره من الجنون او الانهيار
ادري غلطانه وغلطي كبير بس حاسه فيه وحريصه اني اغيره

تخيلو صرت اعترض على حكم الله
وصرت ادعي على نفسي واهلى بالهلاك


انا ودي اقوى علاقتي بالله من جديد

مابي الحين الا اني احسن الظن بالله واثق به ثقه تاااااامه

بس وين ابي ارجع ادعي الله وابتهل اليه

حتى يوم اشتكي لاختي تقول ادعي ربك ادعي بالثلث الاخير من الليل
انه يرزقك الزوج الصالح او يغفر لك كلامك
اسالها اقولها تتوقيعن ربي ممكن يعطيني او يغفر لي
كاني مو مومنه انه يعطيني او يغفر لي
عنددددي ياس تااام
شلون ابي ادعي ربي
ابي استغفر له
شلون قولولي

ماتتصورون انا ماتعودت على الصبر ولا اهلى عودوني على التحمل

امي طول عمرها بعيده عني ولا تسال فيني ولا ليش زعلانه
مع انها موجوده معنا بالبيت
وكانت وانا صغيره تدعي على حتى من غير سبب
عقدتني لدرجه صرت زيها بس ادعي
وصرت ادعي عليها حتى لمن تصير بيني انا واختى مناقشه او مشاده عاديه ويحصل بكل بيت

تقول شلون بتتزوجون ولا ربي بيوفقكم وانتو كذا ؟

امي ولا تبينا نتوفق ؟

من وانا صغير وبيتنا في معاناه مع الشيوخ والسحر

وانا مثلي مثل حال هالبنات ابي اتزوج وانستر وربي غرضي الستر اولا مو غرضي واجهه اجتماعيه ولا اني اسافر او مجرد اسم

غرضي بس التقرب لله بالابتعاد عن الحرام

وزميلاتي بالشغل كل ماخطبت وحده يقولون ها متى نفرح فيك
متى نحضر عرسك يناس والله طفشت تعبت
وربي كل يوم ابكي واتلفظ بكلام غلط وفيه اعتراض
كل يوم ابكي وتجيني حاله هستيريه

اخشى ان يكون هذا تاثير الاذى او لا سمح الله سحر


ودي ادعي الله ودي استغفر واقول الاذكار

لكن ليش يجيني احساس اني اللي اسويه ماله فايده

ادري غلطانه وادري ربي يحبني بس ليش اقول غير كذا:44:

ودي اتشجع اتفاءل بس مافي اشاره تساعدني على التفاؤل
كل بيتنا يجيب التشائم واللي حولي وكل شيء


ارجوكم لاتقسون على اعتبروني مريضه وساعدوني

ابي حل منكم .. ابي دعاء منكم ان الله يهديني ويغفر لي ويستر علي


وفي كثير اشياء مااقدر اذكرها <طبعا مو كلام قلته بس امور صارت بحياتي واثرت علي
سلبا في الاسره :44:
مابي كلام يوبخنى ابي منكم تاخذون بيدي
دام انا عارفه غلطي
وربي كل يوم ابكي وتعبانه حيل
احس اني على شفا حفره من الانهيار

كرهت كل شيء
تدرون حتى الاكل كرهته


يااارب رحمتك