ساعدوني ولدي خرب حياتي

السلام عليكم
والله ما ادري تضايقت ولا ادري وين اروح ولا مين اتكلم معاه
الصدق انا عندي طفل عمره سنتين وحامل حاليا بالشهرالسادس تخيلو المعاناه المشكله هي انه ولدي بدأ يسرق مني المتعه الله يحفظه ويخليه لي بس بجد انا من انجبته وحياتي متغيره مو معناه اني ندمانه او ما ابيه لا والله بالعكس هو كل حياتي لكن مشكلتي مع ابوه انا طفلي حرك بالحيييييييييل وشقي بالمرررره وما ينفع اطلع فيه لأيه مكان احسه عنده طاقه ويبي يفرغها يعني مثلا لما نطلع بنده بنشتري اغراض كل الطلعه تروح مراكض وراه بالاسياب وان حطيناه بعربيه يصرخ ويبكي ويسوي لنا فضيحه كننا خاطفينه ويتسدح بالارض ويشيل الاغراض م الرفوف وكل شي وبالبيت ياربييييييييه ينبش ويخرب وما يجلس هادي وفوق البيعه عصبي بالحيل اي شي يخليه يفقد اعصابه ويصرخ وعادي يمد يده علي او على اي حد ممكن ياخذ منه حاجه او يهاوشه مع العلم انه انا ما اصارخ عليه بالعكس احاول اسايسه واضغط على نفسي كثير ولا اضربه واقرأ عليه باستمرار عل الله يهديه بس بجد احس حاليا صاير بيني وبين ابوه فجوه بسببه الله يصلحه كل ما نجلس بنتقهوى او نسولف تبدا حركاته البايخه لما اقوله خلينا نطلع نتمشى او نتعشى برا يقول اسف الطلعه بتروح مطارد واجلس لا تجلس تخيلو السوق ما اروح الا للضروره القصوى واحطه عند اهلي بعد وعساهم يتحملون شطانته ساعه لين ارجع بس على فكره هو خفيف دم وحبوب عند اهلي واهل زوجي وله شعبيه كبيره والكل مدلعه ابغى استعيد سعادتي ياناس وابغى ارتاح ساعدوني شورو علي خصوصا انه بيجي طفل ثاني ان شاء الله وش بيكون حالي الله يستر بس