ساعدوني يابنات زوجي معاندني

السلام عليكم

أنا متزوجة من 6 سنوات ونصف وماعندي عيال وسويت الفحوصات وسويت منظار قبل شهرين وطلع عندي أنبوب اليسار متسكر وكان عندي تكيس على المبيض الأيمن وسوا لي كوي الدكتور ومبيض واحد يشتغل عندي والدكتور عطاني أمل اني أحمل طبيعي ان شاء الله .

بس تحاليل ريلي العدد والحركة زينة بس نسبة الحيوانات المشوهة أكثر عن 70% وهو مب راضي يكشف مرة ثانية
لأن آخر مرة حلل فيها في 2007 سرنا الأردن وسوينا أطفال أنابيب وماثبت وسويت في مستشفى توام 4 مرات أطفال أنابيب وما صار حمل وسويت تلقيح صناعي وماصار حمل إلا مرة وحدة من أربع سنوات صار حمل بعد ما ريحت من العلاج بس ما اكتمل الحمل .

والحين الدكتور ما يبغي يعطيني أي منشطات بدون زوجي يقول لي حرام اعطيج علاج وريلج تحليله مب زين .

معاه حق بس مب قادرة أقنع ريلي كله يقول لي انتي مب واثقة من رب العالمين ؟؟
كل بيد الله بس لازم ناخذ بالأسباب ؟
بس يقول انتي الأسباب عندج 90% وإيمانج 10%

شو تنصحوني يابنات

للعلم أن ريلي عنده 3 بنات من طليقته يمكن عشان جذي مب فارقة معاه .